दौंड : सहकारनामा ऑनलाइन.
राजेगाव ता. दौंड येथील ग्रामपंचायतीच्या उप सरपंचपदी आमदार राहुल कुल यांच्या गटाच्या चाँदबी अजीज शेख यांची बिनविरोध निवड करण्यात आली आहे. उपसरपंच पदासाठी शेख यांचा एकमेव अर्ज आल्याने त्यांची बिनविरोधच निवड करण्यात आल्याचे जाहीर करण्यात आले. निवडणूक अधिकारी म्हणून ग्रामसेवक अजिनाथ पावणे यांनी काम पाहिले. उप सरपंच पदी शेख यांची निवड झाल्यानंतर त्यांचा उपस्थित मुकेश गुणवरे, दत्ता मोघे, दीपक जाधव, मालोजी मोरे, शहाजी गुणवरे, महादेव बगाडे, चंद्रकांत मोरे, विठ्ठल ढमे, सचिन खैरे, चंद्रकांत मोरे, महामूद शेख, भारत भोसले यांनी पुष्पगुच्छ देऊन सत्कार केला. गावातील गट तट बाजूला ठेऊन गावचा विकास कसा करता येईल याकडे अधिक लक्ष देऊन शासनाच्या सर्व योजनानांचा लाभ सर्वसामान्य नागरिकांना मिळून देण्यासाठी विविध उपक्रम गावात राबवले जातील. सर्व सदस्यांना विचारात घेऊन गावचा विकास करण्याकडे अधिक भर दिला जाईल असे आश्वासन यावेळी शेख यांनी दिले.
