Serial Murder Mystery
दौंड : सध्या दौंड तालुक्यात मृतदेह सापडण्याचे सत्र सुरु असून आत्तापर्यंत दौंड तालुक्यातील पारगाव, जिरेगाव येथे सापडलेल्या 8 मृतांचे खून झाल्याचे निष्पन्न झाले आहे.
आज पुन्हा एकदा राहू (ता.दौंड) येथील पुराणे यांच्या उसाच्या शेतामध्ये एका महिलेचा अर्ध्या प्रमाणावर कुजलेल्या स्वरूपात मृतदेह आढळून आला आहे. या महिलेचे वय अंदाजे 30 ते 38 वर्षाच्या आसपास असण्याची शक्यता वर्तवली आहे. सदर मृत महिलेच्या अंगावर नारंगी रंगाची साडी तसेच हातात हिरव्या बांगड्या आणि गुलाबी रंगाची चप्पल जोड आढळून आली आहे.
पुराणे यांच्या शेतामध्ये ऊसतोड सुरु असताना या महिलेचा मृतदेह आढळून आला. हि महिला कोण आहे, इथे कशी आली, तिला कोणी मारून टाकले याबाबत यवत पोलिस तपास करत आहेत.
