लोककलावंतांच्या आर्थिक मदतीसाठी अर्बन तमाशा कार्यक्रमाचे आयोजन

पुणे प्रतिनिधी | डॉ.अशोक बाबुराव जाधव

दुष्काळग्रस्त लोककलावंतांना आर्थिक मदत आणि ग्रामीण कलाकारांना शहरी व्यासपीठ उपलब्ध करून देण्यासाठी भारतीय जनता पक्षाच्या सांस्कृतिक प्रकोष्ठातर्फे अर्बन तमाशा या सांस्कृतिक कार्यक्रमाचे आयोजन केले आहे.

रविवारी (ता. २२) सकाळी ११.३० वाजता कोथरूड येथील यशवंतराव चव्हाण नाटय़गृहात हा कार्यक्रम होणार आहे अशी माहिती भाजप सांस्कृतिक प्रकोष्ठाकाचे प्रदेशाध्यक्ष रमेश परदेशी यांनी पत्रकार परिषदेत दिली. या कार्यक्रमात ग्रामीण भागातील कलाकार, गायन, संगीत, आणि पारंपरिक लोककलेचे सादरीकरण करणार आहेत.

लोककलेचा वारसा नव्या पिढीपर्यंत पोहचविण्यासोबतच दुष्काळग्रस्त कलाकारांना अर्थिक आधार देण्याचा या उपक्रमाचा उद्देश आहे अशी माहिती आयोजकांकडून देण्यात आली आहे.