दौंड : पाटस येथील एम.आर.एन. समूहाच्या भीमा सहकारी साखर कारखान्याने ऊस उत्पादक शेतकऱ्यांना प्रतिटन ३ हजार ५०० रुपये दर दिल्याबद्दल सन्माननीय आमदार राहुल कुल यांचा सत्कार करण्यात आला. कारखान्याने जाहीर केलेल्या या दराबद्दल शेतकरी वर्गातून समाधान व्यक्त केले जात आहे.
यावेळी भीमा सहकारी साखर कारखान्याचे माजी संचालक लक्ष्मण रांधवण, दौंड तालुका भाजप किसान मोर्चाचे माजी अध्यक्ष अरुण आटोळे, रावणगाव ग्रामपंचायतीचे माजी उपसरपंच संग्राम भोपाळ, रावणगाव विविध कार्यकारी सेवा सहकारी संस्थेचे माजी चेअरमन बाळासाहेब आटोळे,
तसेच ग्रामपंचायत सदस्य हौशीराम आटोळे व अतुल सांगळे हेही यावेळी उपस्थित होते. प्रतिटन ३ हजार ५०० रुपये दर दिल्याबद्दल आमदार राहुल कुल यांचा उपस्थित मान्यवरांच्या वतीने सन्मान करण्यात आला.
