पुणे : एका बांधकाम व्यवसायिकाला पीएमआरडीए (pmrda) साठी लागणाऱ्या भुजल सर्वेक्षण अहवाल देण्यासाठी २ लाखांची लाच मागण्यात आली होती. हि लाच घेताना आज दोन अधिकाऱ्यांना रंगेहात पकडण्यात आले आहे.
मिळालेल्या माहितीनुसार, तक्रारदार हे बांधकाम व्यावसायिक असुन त्यांनी इमारतीच्या बांधकाम पुर्णत्वाचा दाखल मिळणेकामी PMRDA कडे अर्ज केला होता. PMRDA ने भूजल सर्वेक्षण अहवाल सादर करणेबाबत त्यांना कळविल्यानंतर तक्रारदार यांनी भूजल सर्वेक्षण विभाग, पुणे यांना अर्ज केला होता. सदर भूजल सर्वेक्षण अहवाल देणेकामी तेथील लोकसेवक श्रीमती प्रियांका संदीपान घुले मॅडम यांनी लोकसेवक दिवाकर नामदेव धोटे यांच्या साठी 2 लाख 50 हजार रुपये लाच मागणी केली होती.
त्यानंतर तक्रादार यांनी दिनांक 22/04/2026 रोजी लाच लूचपत प्रतिबंधक विभाग, पुणे येथे तक्रार दिली होती. तक्रारीच्या अनुषंगाने दि. 22/04/26 रोजी लाच मागणी पडताळणी कारवाई केली असता, लोकसेवक श्रीमती घुले यांनी लोकसेवक श्री धोटे यांना भेटून बोलण्यास सांगितले. त्यानंतर तक्रारदार हे श्री धोटे यांना भेटले असता त्यांनी पंचासमक्ष तडजोडी अंती 2 लाख स्विकारण्याचे मान्य करून सदर लाचेची रक्कम श्रीमती घुले मॅडम यांच्याकडे देण्यास सांगितले असल्याचे निष्पन्न झाले.
त्याप्रमाणे आज दिनांक 24/04/2026 रोजी सापळा करवाई करण्यात आली असता लोकसेविका श्रीमर्त प्रियंका घुले यांना तक्रारदार यांचेकडून दोन लाख रुपये लाचेची रक्कम स्वीकारताना रंगेहात पकडण्यात आले आहे. तसेच लोकसेवक श्री दिवाकर धोटे यांना देखील त्यांच्या कार्यालयातून ताब्यात घेण्यात आले आहे. आरोपी यांना ताब्यात घेऊन त्यांच्याविरुद्ध शिवाजीनगर पोलीस ठाणे, पुणे शहर येथे भ्रष्टाचार प्रतिबंधक कायदा 1988 अन्वये गुन्हा नोंद करण्याची प्रक्रिया सुरु आहे.
