दौंड : दौंड शहरामध्ये डॉ.बाबासाहेब आंबेडकर यांच्या जयंती निमित्त डीजे वाजवण्यावरून दोन गटांत चांगलाच राडा झाल्याचे पहायला मिळाले. दौंड पोलिसांना या प्रकरणी तब्बल 17 जणांवर भा.न्या. संहिता कलम 194 (2) नुसार गुन्हा दाखल केला आहे.
बबन जयवंत जाधव (वय- 54 वर्षे, ग्रेड पोलीस उपनिरीक्षक नेमणुक दौंड पोलिस स्टेशन) यांनी दिलेल्या फिर्यादीवरून आरोपी- 1) शुभम प्रदिप गव्हाणे 2) प्रशांत भास्कर सोनवणे 3) सिंध्दांत अनिल सोनवणे 4) राहुल शिवाजी शेंडगे 5) आशिष दिलीप गायकवाड (सर्व रा. भिमनगर, दौंड) 6) बुद्धभुषण अनिल सरोदे 7) अनिकेत गौतम मिसाळ 8) सागर गायकवाड 9) हिंमाशु गायकवाड, 7 ते 8 इसम (रा. दौंड ता. दौंड जि. पुणे) व इतर या लोकांवर गुन्हा दाखल करण्यात आला आहे. ही घटना दिंनाक 14/04/2026 रोजी रात्री 02/30 च्या सुमारास डॉ.बाबासाहेब आंबेडकर चौक दौंड शहर येथे घडली आहे.
पोलिसांकडून मिळालेल्या अधिक माहितीनुसार, दिनांक 13/04/2026 रोजी रात्री 11 पासुन ते दिंनाक 14/04/2026 रोजी 09/00 वाजेपर्यंत फिर्यादी व सहाय्यक फौजदार विजय पवार यांना दौंड पोलीस स्टेशन हद्दीमध्ये रात्रगस्त कर्तव्यावर नेमलेले होते. ते रात्रगस्त कामी रवाना होवुन गस्त करीत असताना दिंनाक 14/04/2026 रोजी रात्री 02/43 च्या सुमारास वरील आरोपी हे चौकात मध्ये जमले व त्यांचेमध्ये साऊंड वाजविण्याचे कारणावरुन वाद चालु होते.
त्यावेळी फिर्यादी व इतर पोलिसांनी त्यांना समजावुन सांगुन तुम्ही इथे थांबुन गोंधळ घालु नका असे सांगत असताना वरील इसमांनी त्यांचे काहीएक न ऐकता पोलिसांसमोरच आपापसात वाद घालुन एकमेकांसोबत धरपकड करत झुंज करुन सार्वजनीक शांततेचा भंग केल्याने त्यांच्यावर भारतीय न्यांय संहिता सन 2023 चे कलम 194 (2) प्रमाणे गुन्हा दाखल करण्यात आला आहे. पुढील तपास पोलीस हवालदार पवार हे करीत आहेत.
