देश विदेश : अमेरिकेत हेलिकॉप्टर आणि विमानामध्ये भीषण दुर्घटना घडली आहे. मिळत असलेल्या वृत्तानुसार, वॉशिंग्टन डीसीमधील रोनाल्ड रीगन राष्ट्रीय विमानतळाजवळ लँडिंग दरम्यान अमेरिकन एअरलाइन्स चे विमान आणि ब्लॅक हॉक हेलिकॉप्टर यांच्यामध्ये भीषण अपघात झाला आहे. या विमानात 60 प्रवासी असल्याची माहिती समोर आल्याने अमेरिकेत एकच खळबळ माजली आहे.
विमान आणि हेलिकॉप्टर मध्ये झालेल्या अपघाताच्या घटनेनंतर विमानतळावरील सर्व उड्डाणे रद्द करण्यात आली आहेत. रोनाल्ड रीगन राष्ट्रीय विमानतळाने बुधवारी रात्री उशिरा एक निवेदन जारी करून याची पुष्टी केली.
विमान अपघाताची माहिती मिळताच आपत्कालीन कर्मचाऱ्यांनी घटनास्थळी पोहोचून परिस्थिती नियंत्रणात आणली असून वॉशिंग्टन डीसी अग्निशमन विभागाने स्वतंत्रपणे याची पुष्टी केली आहे.
