अब्बास शेख
दौंड : दौंड तालुक्याच्या खडकी येथील कु. श्रावणी कुदळे हिने NEET-2026 या देशातील अत्यंत प्रतिष्ठेच्या वैद्यकीय प्रवेश परीक्षेत ७२० पैकी ७१० गुण मिळवत देशात ५ वा तर महाराष्ट्रात १ ला क्रमांक पटकावून दौंड तालुक्याच्या शिरपेचात मानाचा तुरा रोवला आहे.
श्रावणीच्या या दैदिप्यमान यशाबद्दल तिच्यावर सर्व स्तरांतून अभिनंदनाचा वर्षाव होत आहे. अत्यंत कठोर परिश्रम, सातत्यपूर्ण अभ्यास आणि जिद्दीच्या बळावर तिने हे यश संपादन करत आपल्या कुटुंबासह दौंड तालुका, पुणे जिल्हा आणि संपूर्ण महाराष्ट्राचे नाव देशभरात अभिमानाने उंचावले आहे. या उल्लेखनीय यशाबद्दल कु. श्रावणी कुदळे हिचे मनःपूर्वक हार्दिक अभिनंदन करण्यात येत असून तिच्या उज्ज्वल भविष्यासाठी शुभेच्छा व्यक्त करण्यात येत आहेत.
तसेच या यशामागे मोलाचे योगदान असलेल्या तिचे आई-वडील, कुटुंबीय, शिक्षकवृंद आणि मार्गदर्शक यांचेही विशेष अभिनंदन करण्यात येत आहे. त्यांच्या योग्य मार्गदर्शन, संस्कार आणि सातत्यपूर्ण प्रोत्साहनामुळेच श्रावणीला हे उल्लेखनीय यश मिळाल्याची भावना व्यक्त होत आहे.
भावी वैद्यकीय शिक्षणातही श्रावणी अशीच उल्लेखनीय कामगिरी करत समाजसेवेच्या क्षेत्रात मोठे योगदान देईल, असा विश्वास व्यक्त केला जात असून तिच्या भावी वाटचालीसाठी सर्व स्तरांतून शुभेच्छांचा वर्षाव होत आहे.
