पुणे : समाजहितासाठी झटणारे आणि कायम राजकीय प्रवाहाच्या विरोधात जाऊन सत्य मांडणारे समाजवादी विचारवंत, माजी आमदार डॉ. कुमार सप्तर्षी यांनी आज अखेरचा श्वास घेतला आहे. त्यांच्या जाण्याने गांधीवादी चळवळीतील एक पर्व काळाच्या पडद्याआड गेल्याची भावना अनेकजण व्यक्त करत आहेत. उद्या पुण्यामध्ये डॉ.कुमार सप्तर्षी यांच्या पार्थिवावर होणार आहे. त्याची अधिक माहिती त्यांच्या कुटुंबीयांकडून जाहीर केली जाणार आहे.
डॉ. कुमार सप्तर्षी हे समाजवादी विचारवंत आणि गांधीवादी कार्यकर्ते होते त्यासोबतच ते लेखक होते. युवक त्यांना आपले प्रेरणास्थान समजायचे असे हे गांधीवादी नेते डॉ. कुमार सप्तर्षी यांनी शनिवारी वयाच्या ८४ व्या वर्षी पुण्यात अखेरचा श्वास घेतला. त्यांच्या निधनाने महाराष्ट्राच्या सामाजिक, राजकीय आणि वैचारिक क्षेत्रावर शोककळा पसरली असून, समाजवादी आणि गांधीवादी चळवळीतील एक महत्त्वाचा आवाज हरपल्याची भावना संपूर्ण राज्यातून व्यक्त होत आहे. आहे.
त्यांनी युवक क्रांती दल म्हणजेच ‘युक्रांद’ ची स्थापना करून सामाजिक परिवर्तनासाठी अहोरात्र कष्ट घेतले. त्यांनी आयुष्यभर समाजवादी विचारसरणीचा पुरस्कार केला. युवकांनी संघटित व्हावे आणि सामाजिक तसेच राजकीय परिवर्तन घडवून आणावे असा त्यांचा उद्देश होता. त्यांनी युक्रांद संघटनेच्या च्या माध्यमातून हजारो तरुणांना सामाजिक भान, लोकशाही मूल्ये आणि परिवर्तनवादी विचारांची प्रेरणा दिली.
