केडगाव : दौंड तालुक्यातील वाखारी येथे पुणे सोलापूर हायवे लगत असणाऱ्या धनश्री लॉजवर यवत पोलिस, पंच आणि बनावट ग्राहकांनी छापा टाकल्यानंतर सुमारे १० पिडीत महिलांकडून अनैतिक देह व्यापार करवून घेणाऱ्या दोघांवर गुन्हा दाखल करण्यात आला असून यातील १० पिडीत महिलांची सुटका करण्यात आली आहे.
पोलिसांकडून मिळालेल्या माहितीनुसार, धनश्री लॉजवर अनैतिक देह व्यापार करवून घेतला जात असल्याची माहिती यवत पोलिसांना मिळाल्यानंतर दि.१८ मे रोजी सायंकाळी ५:३० वाजता यवत पोलिस स्टेशनचे पोलिस निरीक्षक नारायण देशमुख यांच्या मार्गदर्शनाखाली सहाय्यक पोलिस निरीक्षक सुवर्णा गोसावी यांच्या टीमने छापा टाकला असता येथील दोन दलाल आरोपी प्रदीप बाबू पुजारी (मूळ रा. जटकळ, उडपी. रा.सध्या वाकडापुल, वाखारी, ता.दौंड) आणि शहबाज सिराज सय्यद (रा.वरवंड ता.दौंड) हे पिडीत १० महिलांकडून देह व्यापार करवून घेताना मिळून आले.
या आरोपिंवर यवत पोलिस ठाण्यात गुन्हा दाखल करण्यात आला तर १० पिडीत महिलांची सुटका करण्यात आली. आरोपिंवर पिटा कायद्याअंतर्गत गुन्हा दाखल करण्यात आला असून पुढील तपास सहाय्यक पोलिस निरीक्षक सुवर्णा गोसावी करीत आहेत.
