लोणी काळभोर : हवेली तालुक्यात राजकीय दृष्ट्या अत्यंत प्रतिष्ठेची ठरलेल्या कदमवाकवस्ती येथील जनता विविध कार्यकारी सहकारी संस्थेच्या संचालक पदाची निवडणुक महाराष्ट्र केसरी राहिलेल्या पै. राहुल काळभोर यांनी जिंकली आहे. पै राहुल काळभोर यांच्या विजयानंतर जनता सोसायटीवर राहुल काळभोर गटाचे वर्चस्व प्रस्थापित झाल्याचे मानले जात आहे.
जनता विविध कार्यकारी सोसायटीतील राजकीय संघर्ष हा संपूर्ण जिल्ह्यात गाजत होता. पाच पाच कॅबिनेट मंत्री यात लक्ष देत असल्याची चर्चेने या संस्थेतील वादाची जागा हि आपले राजकिय अस्तित्व अधोरेखित करते. या संस्थेच्या त्या जागेचा वाद न्यायालयीन पातळीपर्यंत पोहोचला होता. या जागेची निवडणूक होऊ नये म्हणून मोठी राजकीय ताकद लावली गेल्याचेही बोलले जात होते.
मागे या जागेसाठी निवडणूक कार्यक्रम जाहीर झाला होता मात्र निवडणूक प्रक्रिया पार पडू शकली नव्हती. ऐनवेळी निवडणूक निर्णय अधिकारी निवडणूक प्रक्रियेसाठी अनुपस्थित राहिल्याने मोठी राजकीय खळबळ माजली होती. मात्र आता पुन्हा निवडणूक कार्यक्रम लागल्यानंतर निवडणूक प्रक्रिया सुरू करण्यासाठी मोठ्या प्रमाणात खलबते सुरू होती. अखेर लोकशाही मार्गाने निवडणूक घेण्यात येऊन तणावपूर्ण वातावरणात संपूर्ण प्रक्रिया पार पडली.
दोन दिग्गज आमने सामने : या निवडणुकीत माजी महाराष्ट्र केसरी पै. राहुल काळभोर आणि प्रितम काळभोर यांच्यात थेट लढत झाली. यावेळी संचालक मतदार असलेल्या १२ संचालकांनी मतदानाचा हक्क बजावला. यामध्ये पै. राहुल काळभोर यांना ७ मते मिळाली, तर ५ मते हि प्रितम काळभोर यांना मिळाली. राहुल काळभोर हे अटीतटीच्या सामन्यात २ मतांनी विजयी झाले. राहुल काळभोर यांच्या विजयाने हवेली तालुक्याच्या सहकार क्षेत्रात आपले पाय घट्ट रोवल्याचे दिसत आहे. यावेळी भाजप आमदार राहुल कुल, जिल्हाध्यक्ष प्रदीप कंद तसेच बाजार समितीचे संचालक प्रशांत काळभोर यांनी नवनिर्वाचित संचालक राहुल काळभोर यांचे अभिनंदन केले.
