खुटबाव – विकास शेळके : चौफुला-सुपे रस्त्यावर एका भरधाव हायवा ट्रकने एकाला चिरडल्याची घटना घडली असून संजय रामचंद्र तोरडमल (रा.वाखारी, ता.दौंड,पुणे) यांचा या अपघातामध्ये जागीच मृत्यू झाला आहे. याबाबत रोहित संजय तोरडमल यांनी फिर्याद दिली असून त्यांच्या फिर्यादीवरून सतीश तात्याबा थोरात (रा.खुटबाव, ता.दौंड, पुणे) याच्यावर यवत पोलिसांनी गुन्हा दाखल केला आहे.
मिळालेल्या माहितीनुसार दि. 29/5/2023 रोजी सायं. 4ः30 च्या सुमारास पडवी (ता.दौंड) या गांवच्या हद्दीमध्ये चौफुला-सुपे डांबरी रोडवर फिर्यादी यांचे वडील संजय रामचंद्र तोरडमल यांना हायवाट्रक गाडी नं.एम.एच.42/ए.क्यु/8983 वरील चालक सतिष तात्याबा थोरात (रा.खुटबाव ता.दौंड जि.पुणे) याने जोरात धडक देवुन अपघात केला ज्यामध्ये त्यांच्या वडीलांच्या डोक्यास गंभीर मार लागून त्यांचा मृत्यू झाला.
हा अपघात हायवा ट्रक गाडी वरील चालक सतिष तात्याबा थोरात याने सार्वजनीक वाहतुकीचे नियमांकडे दुर्लक्ष करत धडक दिल्याने झाला असल्याचे पुढे फिर्यादीत म्हटले आहे. यवत पोलिसांनी हायवा चालकावर गुन्हा दाखल केला आहे.
