दौंड : दौंड तालुक्यातील यवत येथे कुत्रा शेतात जावून नुकसान करतो या किरकोळ गोष्टीवरून विजय दिवेकर या इसमावर चाकू ने सपासप वार करण्यात आल्याची घटना घडली आहे. याबाबत सौ.माधुरी विजय दिवेकर (वय 47 वर्ष, व्यवसाय शेती, रा. यवत दोरगेवाडी, ता. दौड) यांनी फिर्याद दिली आहे.
सौ.माधुरी विजय दिवेकर यांनी दिलेल्या फिर्यादीवरून आरोपी 1) पुष्पा ज्ञानेश्वर दिवेकर आणि 2) शुभम ज्ञानेश्वर दिवेकर (दोघे रा. दोरगेवाडी, यवत ता. दौड जि.पुणे.) यांच्यावर यवत पोलीस ठाण्यात गुन्हा दाखल करण्यात आला आहे. ही घटना दिनांक 18/04/2026 रोजी सायंकाळी 6.30 वाजण्याच्या सुमारास यवत येथील दोरगेवाडी, हद्दीत असणाऱ्या शेतामध्ये घडली आहे.
यवत पोलिसांकडून मिळालेल्या माहितीनुसार, दिनांक 18 एप्रिल रोजी फिर्यादी यांचे शेतात आरोपी यांच्या कुत्र्याने फुलांच्या झाडांचे नुकसान केल्याने फिर्यादी यांनी आरोपीस कुत्र्यावर लक्ष ठेवण्यास सांगितले. या गोष्टीचा राग येऊन आरोपी शुभम दिवेकर याने फिर्यादी व फिर्यादीच्या पतीस बोलावून तुझ्या शेताच किती नुकसान झालं ते मी भरून देतो असे म्हणत शिवीगाळ करुन मारहाण केली.
यावेळी फिर्यादी या भांडण सोडवण्यासाठी गेल्या असता त्यांनाही ढकलून दिले व आरोपी क्रमांक 2 शुभम दिवेकर याने खिशातून लोखंडी चाकू काढून फिर्यादी यांच्या पतीस, ‘तुला आज मारून टाकतो’ असे म्हणून त्यांच्या पोटावर व पाठीवर सपासप वार केले असल्याचे फिर्यादित म्हटले आहे. घटनेचा अधिक तपास यवत चे पोलीस निरीक्षक नारायण देशमुख यांच्या मार्गदर्शनाखाली सहाय्यक पोलीस निरीक्षक सुवर्णा गोसावी ya करीत आहेत.
