नवी दिल्ली : अमेरिकेच्या हवाई दलाचे F -16 हे लढाऊ विमान न्यू मेक्सिको जवळ क्रॅश झाले. या अपघातात विमानाच्या पायलटने वेळीच खबरदारी घेतल्याने तो बचावला आहे. न्यू मेक्सिकोच्या होलमन एअर फोर्स बेसजवळ हा अपघात झाला.
अमेरिकन मीडियाच्या म्हणण्यानुसार मे पासून येथे असे पाच अपघात झाले आहेत. तर गेल्या दोन आठवड्यात येथे दोन F -16 विमान क्रॅश झाले आहेत. यापूर्वीही 1 जुलै रोजी विमान अपघातात पायलट ठार झाला होता.
हॉलमन बेसने जारी केलेल्या निवेदनानुसार 49 वा विंगला नियुक्त केलेल्या अमेरिकन हवाई दलाचे F -16 C वाइपर येथे कोसळले. ही घटना स्थानिक वेळेनुसार संध्याकाळी सहा वाजता घडली. बेसच्या माहितीनुसार पायलटने योग्य वेळी स्वत: ला बाहेर झोकून दिल्याने तो बचावला. मात्र त्याला किरकोळ दुखावत झाली. अलिकडच्या काळात अशा बर्‍याच घटना घडल्या असून त्यासाठी चौकशी समिती नेमली गेली आहे. जी संपूर्ण घटनेची चौकशी करणार आहे.
F -16 हे अमेरिकन हवाई दलाचे महत्त्वाचे लढाऊ विमान असून यूएस एअरफोर्समध्ये याची संख्या मोठी आहे. अमेरिका हे विमान मोठ्या संख्येने इतर देशांना विकत असते.
