दौंड : शहरातील भीम नगर परिसरात राहणाऱ्या मुलीचा विनयभंग करून तिला जीवे मारण्याची धमकी देणाऱ्यास दौंड पोलिसांनी अटक केली. राजेश उर्फ राजू नारायण गायकवाड (रा.दौंड) असे अटक आरोपीचे नाव आहे.
पोलिसांच्या माहिती नुसार, आरोपीने फिर्यादीला,मी तुझ्यासाठी येथे आलो आहे, माझे तुझ्यावर प्रेम आहे असे म्हणून तिचा हात पकडला व मनात लज्जा उत्पन्न होईल असे कृत्य केले. त्यावेळी फिर्यादीने त्याचा हात झटकत मला तुझ्याशी बोलायचे नाही असे म्हणाली असता आरोपीने तिला शिवीगाळ करीत, जीवे मारण्याची धमकी दिली.
मुलीने दौंड पोलिसांकडे तक्रार केल्याने त्यास अटक करण्यात आली आहे.
सध्या दौंड शहरांमध्ये रोड रोमिओ चा सुळसुळाट झाला असून, हे रोमिओ आपल्या दुचाकीवर दोघा, तिघांना बसवून जोरजोरात हॉर्न वाजवीत शहरातील रस्त्यांवरून बेफाम वेगात वाहने पळवीत असतात अशा रोड रोमिओ ना पोलिसांनी आवरावे अशी मागणी होत आहे.
