दौंड : दौंड तालुक्यातील वरवंड येथे अज्ञात चोरट्यांनी घराच्या दरवाज्याचे कुलूप तोडून घरातील सुमारे 8 लाख 06 हजार 501 रुपयांचा ऐवज चोरून नेला आहे. याबाबतची फिर्याद महादेव ईश्वर जाधव (वय 61, व्यवसाय शेती रा. वरवंड (बारवकर वस्ती कडेठाण रोड, ता.दौंड जि.पुणे) यांनी दिली आहे.
दरवाजाचे कुलूप तोडून जबरी चोरी.. यवत पोलिसांनी दिलेल्या माहितीनुसार दि. 27/11/2023 रोजी रात्री 10 ते 12:15 च्या सुमारास वरवंड (बारवकरवस्ती ता. दौंड) या गावच्या हद्दीत फिर्यादी यांच्या घराचे कुलुप दोन अज्ञात चोरट्यांनी तोडून फिर्यादी यांच्या घरातील लोखंडी कपाटामध्ये ठेवलेल्या पर्स मधील सोन्याचे दागिने, रोख रक्कम तसेच किचन रूममधील स्टिलच्या डब्यामधील सोन्याचे दागिने चोरून नेले आहेत. या सर्व ऐवजाची किंमत 8 लाख 6 हजार 501 रुपया इतकी आहे.
चोरी गेलेले सोने आणि रोख रक्कम.. वरवंडच्या बारवकर वस्ती येथे झालेल्या या चोरीमध्ये 13,027/- रू.किं.एक 3.07 ग्रॅम वजनाची सोन्याची अंगठी, 15,627/- रू.किं.एक 4.750 ग्रॅम वजनाची सोन्याची अंगठी, 25, 349/- रू.किं.एक 7.450 ग्रॅम वजनाची सोन्याची अंगठी, 48,895/- रू.ंिकं.14.660 ग्रॅम वजनाची गळयातील सोन्याची चैन, 69,936/- रू.किं.12.260 ग्रॅम वजनाचे गळयातील सोन्याचे डोर्ले, 3,40,814/- रू.ंिक.63.750 ग्रॅम वजनाचा गळयातील सोन्याचा गंठण, 44,460/- रू.किं.13.140 ग्रॅम वजनाची गळयातील सोन्याची चैन, 1,42,854/- रू.किं.41.070 ग्रॅम वजनाची गळयातील सोन्याची मोहन माळ, 17,492/- रू.किं.5.170 ग्रॅम वजनाचे कानातील सोन्याचे वेल, 15,847/- रू.किं.5.030 ग्रॅम वजनाचे सोन्याची वेडणी, 72,000/- रोख रक्कम त्यामध्ये 200 रूपये दराच्या 100 नोटा, 100 रूपये दराच्या 200 नोटा व 500 रूपये दराच्या 64 नोटा, 200/- रू.किं.एक एच.पी कंपनीची काळे रंगाची सॅक, तसेच टि.व्ही.एस.स्टार सिटी मोटारसायकल व घराची चावी असा एकुण 8 लाख 06 हजार 501 रुपयांचा ऐवज चोरीला गेला आहे.
घटनेचा पुढील तपास यवतचे पोसई नागरगोजे हे करीत आहेत.
