अब्बास शेख
दौंड : दौंड शहरातील बंगलासाईड परिसरात सुरू असलेल्या बेकायदेशीर जुगार अड्ड्यावर दौंड पोलिसांनी धाड टाकून तब्बल 36 जणांविरुद्ध गुन्हा दाखल केला आहे. या कारवाईत 3,92,960 किमतीचा मुद्देमाल जप्त करण्यात आला असून महाराष्ट्र जुगार प्रतिबंध अधिनियम तसेच महाराष्ट्र दारूबंदी अधिनियमांतर्गत गुन्हा नोंदविण्यात आला आहे.
पोलीस हवालदार आसिफ दिलावर सय्यद यांनी दिलेल्या फिर्यादीनुसार, दि. 5 ऑगस्ट 2026 रोजी सायंकाळी 6.45 वाजता बंगलासाईड येथील पत्र्याचे शेड व बंदिस्त इमारतीमध्ये “भैरवनाथ सांस्कृतिक व क्रीडा मंडळ, खडकत, ता. आष्टी, जि. बीड संचलित मनोरंजन क्लब” या नावाखाली बेकायदेशीर जुगार सुरू असल्याची माहिती मिळाल्यानंतर पोलिसांनी छापा टाकला.
छाप्यामध्ये आरोपी क्रमांक 1 ते 20 हे येणाऱ्या व्यक्तींकडून रोख रक्कम स्वीकारून त्याबदल्यात विविध किमतींची प्लास्टिकची कॉईन देऊन त्या कॉईनच्या माध्यमातून पत्त्यांचा जुगार खेळत व खेळवीत असल्याचे आढळले. तर आरोपी क्रमांक 21 ते 36 हे जुगार सुरू असल्याची माहिती असूनही तेथे उपस्थित राहून साहित्य पुरविणे, मदत करणे व जुगारास प्रोत्साहन देत असल्याचे तपासात निष्पन्न झाले.
गुन्हा दाखल करण्यात आलेले आरोपी
विनोद उर्फ जब्बार दत्तु जाधव, संतोश श्रीरंग विटकर, योगेश खंडू शेंडे, केतन रत्नदीप सोनवणे, कचरू मधुकर शेळके, राजू दत्ताराम पवार, सुशील पिटर हारगुडे, आकाश आनंद लोडी, वैभव श्रीकांत शेलार, प्रमोद चिमाजी सोनवणे, जगन्नाथ राम काळे, जितेंद्र नागनाथ हजारे, योसेफ मेशक खांट, गणेश शंकर अहिवळे, हेमराजी कुमार कारू माजी, अँन्ड्रीव सेबेस्टेन फिलीप, विशाल गुलाब कोंडके, सुनील महादेव काळे, फिलीप सायमन फ्रान्सिस, दिगंबर लक्ष्मण वाघमोडे, प्रेम सुनील नामदास, सिराज मोहीदीन खान, निरंकार दादासाहेब पोटे, विकास कुमार मदन रावत, युवराज संजय गायकवाड, विकासकुमार रविंद्र रावत, सुरज शरद थोरात, उत्तम गोविंद सोनवणे, उपेंद्र द्वारका राजवंशी, मार्कस बाबुराव गायकवाड, चिरंजीव कुमार जयप्रकाश सिंग, निरज विक्रम मांझी, मुकेश कुमार बाबुलाल सिंग, जेकब सुनील जाधव, सोमनाथ संभाजी लोढी आणि प्रशांत रमेश जाधव.
या कारवाईदरम्यान 3,92,960 रुपये किमतीचा मुद्देमाल जप्त करण्यात आला आहे. या प्रकरणी दौंड पोलीस स्टेशन येथे गुन्हा रजिस्टर क्रमांक 551/2026 अन्वये महाराष्ट्र जुगार प्रतिबंध अधिनियम कलम 4, 5 तसेच महाराष्ट्र दारूबंदी अधिनियम, 1949 चे कलम 65(ड) अंतर्गत गुन्हा दाखल करण्यात आला आहे.
या गुन्ह्याचा पुढील तपास पोलीस उपनिरीक्षक (PSI) बिद्री करीत आहेत. दाखल अंमलदार म्हणून पोलीस हवालदार भागवत यांनी कामकाज पाहिले असून ही कारवाई पोलीस निरीक्षक हेमंत शेडगे यांच्या मार्गदर्शनाखाली करण्यात आली.
