केडगाव,दौंड : गर्भलिंग निदान प्रकरणातील आरोपी अण्णासाहेब आप्पा गिरी (वय 42, रा. केडगाव, ता. दौंड) याच्यावर बलात्काराच्या गुन्ह्यात कारवाई करण्यात आली आहे. दि. 16 सप्टेंबर 2026 रोजी मिळालेल्या तक्रारीवरून यवत पोलीस ठाण्यात आरोपीविरुद्ध विविध कलमान्वये गुन्हा दाखल करण्यात आला आहे.
आरोपी न्यायालयीन कस्टडीत असताना न्यायालयाच्या प्रोडक्शन वॉरंटनुसार दि. 24 सप्टेंबर रोजी येरवडा मध्यवर्ती कारागृह, पुणे येथून त्याला ताब्यात घेऊन अटक करण्यात आली. आरोपीला न्यायालयासमोर हजर केले असता न्यायालयाने दि. 28 सप्टेंबर 2026 पर्यंत पोलीस कस्टडी रिमांड मंजूर केला आहे. या प्रकरणाचा पुढील तपास सुरू आहे.
ही कारवाई पुणे ग्रामिण पोलीस अधीक्षक संदीपसिंग गिल्ल, अपर पोलीस अधीक्षक गणेश बिरादार, उपविभागीय पोलीस अधिकारी बापूराव दडस यांच्या मार्गदर्शनाखाली पोलीस निरीक्षक संतोष तासगावकर, सहाय्यक पोलीस निरीक्षक नितीन अतकरे, पोलीस हवालदार प्रमोद गायकवाड, पोलीस हवालदार सुहास देवकाते, पोलीस कॉन्स्टेबल धीरज जाधव, पोलीस कॉन्स्टेबल विनित कुऱ्हाडे, आणि पोलीस कॉन्स्टेबल मोहन भानवसे यांच्या पथकाने केली आहे.
