सांगोला :
सांगोला जवळ असणाऱ्या जुनोनी येथे कोल्हापूरहून निघालेल्या वारकऱ्यांच्या दिंडीला भीषण अपघात झाल्याची घटना घडली असून यात 7 वारकरी जागीच ठार झाल्याची घटना घडली आहे.
अपघातात ठार झालेले वारकरी हे जठारवाडी (जि. कोल्हापूर) या गावातील असल्याचे समजते. अपघात घडल्याची बातमी समजताच घटनास्थळी सांगोला पोलीस दाखल होऊन बचावकार्य सुरु करण्यात आले आहे. या अपघातात अन्य 6 जण जखमी झाले आहेत.
अपघातात मृत्यूमुखी पडलेल्या वारकऱ्यांचे मृतदेह शवविच्छेदन करण्यासाठी सरकारी रुग्णालयात हलविण्यात आले आहेत.
मिळालेल्या माहितीनुसार कोल्हापूर जठारवाडी येथील दिंडी पंढरपूरकडे जात असताना जुणोनी येथे वाहन क्र. MH 13 DE 7938 हे चारचाकी वाहन अचानक ही दिंडीत घुसून यात 7 वारकऱ्यांना चिरडल्याने त्यांचा मृत्यू झाला.
