दौंड प्रतिनिधी : दौंड पोलीस स्टेशन हद्दीतील आर.बी.१ नगरमोरी परिसरात ७० वर्षीय महिलेची धारदार हत्याराने गळा चिरून हत्या करण्यात आल्याची धक्कादायक घटना समोर आली आहे. या घटनेचा युद्धपातळीवर तपास करत दौंड पोलिसांनी अवघ्या १२ तासांत दोन संशयित आरोपींना ताब्यात घेतले आहे.
पोलिसांनी दिलेल्या माहितीनुसार, दि. १९ ऑगस्ट २०२६ रोजी दुपारी सुमारे ३.१५ वाजण्याच्या सुमारास सुमन किसन शिंदे (वय ७०) यांचा खून झाल्याचे निदर्शनास आले. याप्रकरणी मयत महिलेची मुलगी सौ.तृप्ती सचिन हिरवे (वय ४५, रा. रामलिंग रोड, शिरूर, जि. पुणे) यांनी दिलेल्या फिर्यादीवरून दौंड पोलीस ठाण्यात गुन्हा अज्ञात आरोपीविरुद्ध गुन्हा दाखल करण्यात आला. फिर्यादींना त्यांचे मामा अशोक धोंडीबा पोळ यांनी फोन करून सुमन शिंदे यांचा खून झाल्याची माहिती दिली. त्यानंतर फिर्यादी व त्यांचे पती दौंड उपजिल्हा रुग्णालयात गेले असता त्यांनी मयत महिलेची ओळख पटवली. प्राथमिक माहितीनुसार, अज्ञात आरोपीने कोणत्यातरी कारणावरून धारदार हत्याराने या वृद्ध महिलेच्या गळ्यावर वार करून तिचा खून केला. त्यानंतर पुरावा नष्ट करण्याच्या उद्देशाने तीचे शिर धडावेगळे करुन एका ठिकाणी नेऊन टाकण्यात आले.
१२ तासांत दोन आरोपी अटक
गुन्ह्याचा तपास सुरू असताना दौंड पोलीस स्टेशन तसेच स्थानिक गुन्हे अन्वेषण शाखा, पुणे ग्रामीण यांनी स्वतंत्र तपास पथके तयार करून आरोपींचा शोध सुरू केला. तपासादरम्यान पोलिसांना दोन संशयितांची माहिती मिळाली. यामध्ये विकी उर्फ विक्रम धनराज अल्हाट (रा. समतानगर, दौंड, ता. दौंड, जि. पुणे) आणि प्रसाद बाबूलाल चव्हाण (रा. आर.बी. ९ नगरमोरी, दौंड, ता. दौंड, जि. पुणे) यांना ताब्यात घेऊन चौकशी करण्यात आली. चौकशीदरम्यान दोघांनी सदर गुन्हा केल्याची कबुली दिल्याने त्यांना या गुन्ह्यात अटक करण्यात आली आहे. या प्रकरणाचा पुढील तपास पोलीस उपनिरीक्षक लोकेरे करीत आहेत.
सदरची कारवाई दौंडचे पोलीस निरीक्षक हेमंत शेडगे, पोलीस निरीक्षक प्रमोद क्षीरसागर (स्थानिक गुन्हे अन्वेषण शाखा), सहायक पोलीस निरीक्षक अमोल गवळी, सहायक पोलीस निरीक्षक विनायक सपाटे, पोलीस उपनिरीक्षक रुपेश कदम, पोलीस उपनिरीक्षक ज्ञानेश्वर राऊत, सहायक फौजदार आसिफ शेख, सहायक फौजदार सचिन घाडगे, सहायक फौजदार पांडुरंग थोरात, पोलीस हवालदार गुरुनाथ गायकवाड, पोलीस हवालदार सुभाष राऊत, पोलीस हवालदार विकास कापरे, पोलीस हवालदार नितीन बोराडे, पोलीस हवालदार धनंजय गाडवे, पोलीस हवालदार निखिल जाधव, पोलीस हवालदार आमिर शेख, पोलीस हवालदार किरण पांढरे, पोलीस हवालदार महेंद्र लोहार, पोलीस कॉन्स्टेबल पवन माने, पोलीस कॉन्स्टेबल सोमनाथ चौडे, पोलीस कॉन्स्टेबल निखिल पवार, पोलीस कॉन्स्टेबल हजारे, पोलीस कॉन्स्टेबल अक्षय कुंभार, पोलीस कॉन्स्टेबल ओमनाथ तुमकुटे आणि पोलीस कॉन्स्टेबल तांबोळी यांनी केली आहे.
