पुणे ग्रामिण : प्रवासी आणि नागरिकांना रस्त्यामध्ये अडवून त्यांना मारहाण करत लूटमार करणाऱ्या तीन जणांच्या टोळीला सासवड आणि यवत च्या स्थानिक गुन्हे शाखेच्या पोलिसांनी जेरबंद केले आहे. या आरोपिंकडून अनेक गुन्हे उघडकीस आले असून पोलिसांच्या कारवाईवर समाधान व्यक्त होत आहे. याबाबत राजकुमार विश्वनाथ हाके, (वय 58 वर्षे, व्यवसाय- वायरमन, विद्युत विभाग पुणे मनपा) यांनी तक्रार दिली आहे.
हाके यांनी दिलेल्या फिर्यादीनुसार, ते दि.30/5/2026 रोजी दुपारी 12:45 च्या सुमारास पुरंदर तालुक्यातील बोपगाव कमानीकडुन कानीफनाथ मंदीर गड पायथ्याच्या रोडने जात असताना 3 अनोळखी इसमांनी त्यांची दुचाकी अडवुन त्यांना शिवीगाळ, दमदाटी करत छातीवर लाथेने मारहाण केली.यावेळी या आरोपिंनी त्यांना आणि त्यांची मावस बहीण निर्मला कांतीलाल घुले यांना चाकु व बंदुकीसारखी काळ्या रंगाची दिसणाऱ्या वस्तुचा धाक दाखवुन मावस बहीण निर्मला हीच्या अंगावरील सोन्याचे दागीने व रोख रक्कम असे एकुण 1,05,500/-रु.किंमतीचा मुद्देमाल जबरदस्तीने काढुन घेत निघुन गेले. या बाबत सासवड पोस्ट येथे गुन्हा दाखल करण्यात आला होता.
सदर गुन्ह्याच्या अनुषंगाने स्थानिक गुन्हे शाखा पोलिस अधिकारी प्रमोद क्षीरसागर यांच्या मार्गदर्शनाखाली तपास करीत असताना सिसिटीव्ही फूटेज तसेच गोपनीय माहितीदार आणि तांत्रिक विश्लेषणाद्वारे आरोपी रोहित शिवाजी ननवरे (वय.28 वर्ष, राहणार रविवार पेठ फलटण तालुका फलटण जिल्हा सातारा) बाळू ईश्वर माळी (वय 52 वर्ष राहणार गिरवी नाका सगुनामाता नगर, मलटण तालुका फलटण जिल्हा सातारा) दिलीप गोरख माळी (वय 45 वर्षे राहणार गोसावी गल्ली, सगुनामाता नगर मलठण तालुका फलटण जिल्हा सातारा) यांनी हा गुन्हा केल्याचे समोर आले. त्यांना फलटण येथून ताब्यात घेऊन त्यांच्याकडे तपास केला असता तिन्ही आरोपिंनी हा गुन्हा केल्याचे कबूल केले.
या आरोपिंची अधिक चौकशी केली असता त्यांनी यवत पोलीस स्टेशन गुन्हा रजिस्टर नंबर 135/2026 bns 309(4), व लोणावळा शहर पोलीस स्टेशन गुन्हा रजिस्टर नंबर 109/2026 bns 304(2),3(5) असे गुन्हे केल्याचे तपासात निष्पन्न झाले. सदर गुन्ह्यातील चोरीस गेलेल्या मालापैकी सासवड पोलिस स्टेशनकडील 1)68,000 /- किंमतीचे 14.7 ग्रँम वजनाचे सोन्याचे मिनिगंठण, 2)30,000 /- किंमतीची 6.2 ग्रँम वजनाची सोन्याची पिळ्याची अंगठी, यवत पोलिस स्टेशनकडील हस्तगत माल 1) एक सोन्याची 7 ग्रॅम वजनाची मनी पानपोत किंमत रुपये 35000, लोणावळा शहर पोलिस स्टेशनकडील हस्तगत माल 1) एक सोन्याचे मनी मंगळसूत्र आठ ग्रॅम वजनाचे किंमत रुपये 50000, असा एकूण 1,85,000/- रुपये किमतीचा मुद्देमाल वरील आरोपी एक ते तीन यांच्याकडून जप्त करण्यात आला आहे.
सदर आरोपी यांच्यावर खंडाळा, सातारा तालुका, गांधीनगर कोल्हापूर, एमआयडीसी पोलीस स्टेशन अहिल्यानगर असे सातारा, पुणे, अहिल्यानगर कोल्हापूर जिल्ह्यामध्ये गुन्हे दाखल आहेत.
सदरची कारवाई पुणे ग्रामिण चे पोलीस अधीक्षक संदीप सिह गिल, गणेश बिरादार (अप्पर पोलीस अधीक्षक बारामती विभाग) राजेंद्र गौर (उपविभागीय पोलिस अधिकारी भोर विभाग सासवड) प्रमोद क्षीरसागर (पोलीस निरीक्षक स्थानीक गुन्हे अन्वेषण शाखा पुणे ग्रामीण) संतोष घोळवे, (पोलीस निरीक्षक, सासवड पोलीस स्टेशन) यांच्या मार्गदर्शनाखाली स्थानिक गुन्हे अन्वेषण पथकातील. पोसई युवराज धोंडे, ग्रेड पोसई विनोद भोकरे, सहा.फौ. सचिन घाडगे, सहा. फौ संतोष तोडकर, पो.हवा. महेश खरात, पो.हवा.गुरु गायकवाड, पो. हवा. विशाल भोरडे, पो. हवा. अक्षय यादव, पो.हवा. विकास कापरे तसेच सासवड पोलीस स्टेशन चे पोलिस उपनिरीक्षक परेमश्वर गोडेसे, पो.कॉ. प्रवीण शेंडे, तुषार लोंढे यांनी केली आहे.
