दौंड : दौंड तालुक्यातील खामगाव येथे एका व्यक्तीने धारदार शस्त्राने केलेल्या हल्ल्यात एकजण जागीच ठार झाला असून दुसरा व्यक्ती गंभीर जखमी झाला आहे.
मिळालेल्या माहितीनुसार दि. 31/03/2023 रोजी सायं 06ः30 वा.चे सुमारास खामगाव ता.दौंड जि.पुणे या गावच्या ही घटना घडली असून फिर्यादी कुणाल सदाशिव कवडे (वय 38, दुग्ध व्यवसाय रा.खामगाव ता.दौंड जि.पुणे, मुळ रा. घोरपडीगाव कलाशंकरनगर बी.टी.कवडे रोड पुणे) यांनी दिलेल्या फिर्यादीनुसार अरोपी पिंटु अशोक गायकवाड (पत्ता माहीत नाहीे) याने फिर्यादी यांच्या गोठयावरील कामगार 1) मुकेश उर्फ मुक्तार यादव (वय 45 रा.धरमपुर जि.गाझीपुर उत्तरप्रदेश याचा कोणत्यातरी अज्ञात कारणावरून धारदार हत्याराने वार करून गळा चिरून खुन केला तसेच 2) रामकुंवर (यादव वय 44, रा.डिग्गी जि.चंदोली राज्य उत्तरप्रदेश याच्यावरही धारदार हत्याराने वार करून त्यास जिवे ठार मारण्याचा प्रयत्न केला आहे.
ही घटना घडल्यानंतर आरोपी फरार झाला असून यवत पोलीस त्याचा कसून शोध घेत आहेत. आरोपीने दोघांवर नेमका कोणत्या कारणासाठी हल्ला केला हे मात्र अजून समजू शकले नसून आरोपीचा पत्ता माहित नसल्याने त्याला शोधने आणि त्याचा इतिहास माहित करून घेणे मोठे जिकिरीचे बनले आहे. अधिक तपास सपोनि लोखंडे करीत आहेत.
