केडगाव : दौंड तालुक्यातील केडगाव, डोंगर वस्ती येथे असलेल्या अदोनाई फेलोशिप चर्चमध्ये ख्रिस्ती समाजाचा सर्वात मोठा सण “नाताळ” अतिशय उत्साहात साजरा करण्यात आला. यावेळी 22 आणि 23 तारखेला घरोघरी जाऊन ख्रिस्त जन्माची गाणी गायली गेली.
ख्रिसमससाठी येथील चर्च अतिशय छान सजवले होते. ख्रिस्त जन्मावर आधारित गीत गायन, नृत्य येथे सादर करण्यात आली. चर्च चे प्रमुख पास्टर लक्ष्मण शिंदे यांनी आज दाविदाच्या नगरीत तारणारा जन्मला आहे व तो प्रभू येशू ख्रिस्त आहे. असा मौल्यवान संदेश यावेळी दिला. चर्च कमेटी मधील पास्टर फ्रान्सिस मार्टिस, सुदेश कांबळे, राजेश कांबळे सिस्टर राखी कांबळे, सिस्टर अनिता मार्टिस यांनी सर्वांचे स्वागत केले.
नाताळ सणा निमित्त सर्वाना चर्च मार्फत जेवण दिले गेले. मान्यवरांचा चर्च द्वारे सत्कार करण्यात आला.
