अब्बास शेख
दौंड : केडगाव आणि बोरिपार्धी येथील ग्रामस्थांच्या वतीने आज रविवार दि. 8 जानेवारी रोजी सकाळी 9 ते सायंकाळी 6 वाजेपर्यंत भव्य अश्या महा रक्तदान शिबिराचे आयोजन करण्यात आले आहे. आज दुपारी 3 वाजेपर्यंत साधारण 220 रक्त दात्यांकडून रक्तदान करण्यात आले आहे.
या रक्तदान शिबिराची संकल्पना केडगाव आणि बोरिपार्धीच्या तरुणांनी आखून ती सत्यात उतरविण्यासाठी मोठी मेहनत घेतली आहे. रक्तदान करणाऱ्या रक्तदात्यांना आयोजकांकडून आकर्षक भेट वस्तू देऊन त्यांचा गौरव करण्यात येत आहे. रक्तदान करण्यासाठी नवकार डेव्हलपर्स, केडगाव व्यापारी संघटना यांच्याकडून जागा उपलब्ध करून देण्यात आली आहे. या रक्तदान शिबिराला केडगाव-बोरिपार्धी येथील 17 संघटनांचे सहकार्य लाभले आहे.
