पुणे ग्रामिण : रेकॉर्डवरील सराईत आरोपी दत्ता अशोक शिंदे (वय २९, रा. राहू, ता. दौंड, जि. पुणे) याच्याविरुद्ध यवत पोलिसांनी महाराष्ट्र पोलीस अधिनियमांतर्गत तडीपारीची कारवाई केली आहे. आरोपीला पुणे जिल्हा (पुणे शहर व पिंपरी-चिंचवड हद्दीसह) अहिल्यानगर जिल्ह्यातील कर्जत व श्रीगोंदा तालुक्यांच्या हद्दीतून दोन वर्षांसाठी हद्दपार करण्यात आले आहे.
पोलिसांच्या माहितीनुसार, आरोपी दत्ता अशोक शिंदे याच्याविरुद्ध यवत पोलीस ठाण्याच्या अभिलेखावर एकूण १९ गंभीर गुन्हे दाखल आहेत. त्याच्या कृत्यांमुळे सर्वसामान्य नागरिकांमध्ये दहशतीचे वातावरण निर्माण होत असल्याने कायदा व सुव्यवस्था अबाधित राखण्यासाठी तडीपारीचा प्रस्ताव सादर करण्यात आला होता.
यवत पोलिसांनी महाराष्ट्र पोलीस अधिनियम कलमान्वये प्रस्ताव दौंड उपविभागीय अधिकारी यांच्याकडे सादर केला होता. प्रस्तावास मंजुरी मिळाल्यानंतर आरोपीवर दोन वर्षांसाठी हद्दपारीची कारवाई करण्यात आली.
ही कारवाई पोलीस अधीक्षक संदिपसिंग गिल, अपर पोलीस अधीक्षक गणेश बिरादार आणि उपविभागीय पोलीस अधिकारी बापूराव दडस यांच्या मार्गदर्शनाखाली स्थानिक गुन्हे शाखेचे पोलीस निरीक्षक प्रमोद क्षीरसागर, यवत पोलीस ठाण्याचे पोलीस निरीक्षक संतोष तासगावकर, तपास पथकाचे पोलीस उपनिरीक्षक मारोती मेतलवाड, सहा.फौजदार महेश बनकर, स्थानिक गुन्हे शाखा पूणे ग्रामीण व यवत पोलीस ठाणेकडील पोहवा. संदिप देवकर, रॉकी देवकाते, महेंद्र चांदणे, पोकॉ. धिरज जाधव, प्रतिक जगताप, अमोल जाधव भूजबळ, मारूती बाराते, सचिन गुंड, दिनेश लोणकर व विनित कुऱ्हाडे यांनी केलेली आहे.
