दौंड : सहकारनामा ऑनलाईन (प्रकाश शेलार)
दौंड येथील कर्मयोगी सुभाष आण्णा कुल प्राथमिक शिक्षक सहकारी पतसंस्थेच्या चेअरमन पदी माझी निवड होत असताना, ज्या संचालकांनी मला मतदान केले ,त्याचा शिक्षक संघ व शिक्षक समिती या संघटनात्मक राजकारणाशी कोणताही संबंध नाही . शिक्षक पतसंस्थेचा पारदर्शक व गतिमान कारभार करण्यासाठी , मला इतर नऊ संचालकांनी चेअरमन पदासाठी मतदान करून केले आहे .
चेअरमन पदी निवडीचा शिक्षक संघटनांमधील अंतर्गत राजकारणाशी तसेच तालुक्यातील राजकीय परिस्थितीशी कोणताही संबंध नाही, हे नम्रपणे सांगू इच्छितो .
दरम्यान शिक्षक पतसंस्थेच्या कामकाजासाठी भीमा पाटसचे संचालक श्री विकास शेलार व शिक्षक नेते तैमूर शेख यांच्यासमवेत माननीय आमदार राहुल दादा कुल यांची तसेच शिक्षक समितीचे अध्यक्ष शशीकिरण मांढरे व इतर मान्यवरांसह जिल्हा बँकेचे अध्यक्ष रमेश थोरात या दोन्ही मान्यवरांची भेट घेऊन संस्थेच्या अडीअडचणी सोडवण्यासंदर्भात व मार्गदर्शन करण्यासंदर्भात भेट घेतली आहे.