पुणे : मतदार याद्यांच्या विशेष सखोल पुनरीक्षण कार्यक्रमांतर्गत पुणे जिल्ह्यातील अंतिम एएसडीडी (ASDD) यादीनुसार तब्बल २८ लाख ६८ हजार २२३ मतदार ‘अनकलेक्टेबल’ आढळले आहेत. या मतदारांमध्ये १ लाख ४३ हजार ९७५ दुबार नोंदणी, ३ लाख १२ हजार ४८ मयत, १७ लाख ८३ हजार ५८ अनुपस्थित, ५ लाख ९१ हजार ३८ स्थलांतरित, तर ३८ हजार १०४ मतदारांनी गणना पत्रक जमा केलेले नाही, अशी माहिती जिल्हाधिकारी जितेंद्र डुडी यांनी दिली.
पुणे जिल्ह्यातील विधानसभा मतदारसंघनिहाय आकडेवारीनुसार, सर्वाधिक ‘अनकलेक्टेबल’ मतदार हडपसर मतदारसंघात २ लाख ९८ हजार ४२७, त्यापाठोपाठ खडकवासला २ लाख ७८ हजार ७८, चिंचवड २ लाख ७० हजार २३, कोथरूड २ लाख ७ हजार १०३ आणि वडगाव शेरी २ लाख ४ हजार १८ इतके आहेत.
ग्रामीण भागातील मतदारसंघांमध्येही मोठ्या प्रमाणावर मतदार ‘अनकलेक्टेबल’ आढळले आहेत. पुरंदरमध्ये १ लाख ८७ हजार ४७१, भोसरीत १ लाख ७३ हजार २०७, पिंपरीत १ लाख ६५ हजार ७९५, तर पर्वतीत १ लाख ५१ हजार ८८२ मतदार या वर्गवारीत आहेत.
मतदारसंघनिहाय स्थिती
जुन्नर : ४६,९४६ अनकलेक्टेबल मतदारांपैकी १३,३९४ मयत, ७,८०० अनुपस्थित आणि १९,९४४ स्थलांतरित आहेत.
आंबेगाव : ४१,५०५ अनकलेक्टेबल मतदारांपैकी ११,९३५ मयत, ३,९८५ अनुपस्थित आणि २०,९६२ स्थलांतरित आहेत.
खेड-आळंदी : ५६,०९४ अनकलेक्टेबल मतदारांपैकी ११,८३६ मयत, २०,९४५ अनुपस्थित आणि १४,६०९ स्थलांतरित आहेत.
शिरूर : १,०९,९०२ अनकलेक्टेबल मतदारांपैकी १५,६२६ मयत, ६६,१३५ अनुपस्थित आणि १८,८११ स्थलांतरित आहेत.
दौंड : ५३,९८४ अनकलेक्टेबल मतदारांपैकी १२,०५३ मयत, ९,३४३ अनुपस्थित आणि तब्बल २६,४२९ स्थलांतरित आहेत.
इंदापूर : ५२,२३४ अनकलेक्टेबल मतदारांपैकी १९,३०८ मयत, ४,६०४ अनुपस्थित आणि २२,८४४ स्थलांतरित आहेत.
बारामती : ४४,८७१ अनकलेक्टेबल मतदारांपैकी १२,२७४ मयत, ६,०४४ अनुपस्थित आणि २०,८९४ स्थलांतरित आहेत.
पुरंदर : १,८७,४७१ अनकलेक्टेबल मतदारांपैकी १७,६५६ मयत, १,४१,६०५ अनुपस्थित आणि १८,१५५ स्थलांतरित आहेत. या मतदारसंघात अनुपस्थित मतदारांची संख्या विशेष लक्षवेधी आहे.
भोर : ९०,८९७ अनकलेक्टेबल मतदारांपैकी ११,३५३ मयत, ४५,७४८ अनुपस्थित आणि २५,५२७ स्थलांतरित आहेत.
मावळ : ९१,९२९ अनकलेक्टेबल मतदारांपैकी ९,०८६ मयत, केवळ २५९ अनुपस्थित, तर तब्बल ७७,०९५ स्थलांतरित आहेत.
चिंचवड : २,७०,०२३ अनकलेक्टेबल मतदारांपैकी १७,१०७ मयत, २,२०,४३९ अनुपस्थित आणि १८,१३० स्थलांतरित आहेत.
पिंपरी : १,६५,७९५ अनकलेक्टेबल मतदारांपैकी १८,८२७ मयत, १,१२,७३८ अनुपस्थित आणि २६,७५५ स्थलांतरित आहेत.
भोसरी : १,७३,२०७ अनकलेक्टेबल मतदारांपैकी १४,४०२ मयत, १,१७,११६ अनुपस्थित आणि २४,०६७ स्थलांतरित आहेत.
वडगाव शेरी : २,०४,०१८ अनकलेक्टेबल मतदारांपैकी १६,४८१ मयत, १,६१,५१७ अनुपस्थित आणि १३,६१३ स्थलांतरित आहेत.
शिवाजीनगर : १,२९,७३१ अनकलेक्टेबल मतदारांपैकी १४,९६३ मयत, ७३,२५८ अनुपस्थित आणि ३७,४८५ स्थलांतरित आहेत.
कोथरूड : २,०७,१०३ अनकलेक्टेबल मतदारांपैकी १४,४१८ मयत, १,६६,८९० अनुपस्थित आणि १९,९५६ स्थलांतरित आहेत.
खडकवासला : २,७८,०७८ अनकलेक्टेबल मतदारांपैकी १४,१७९ मयत, २,३२,८०७ अनुपस्थित आणि २२,३७३ स्थलांतरित आहेत.
पर्वती : १,५१,८८२ अनकलेक्टेबल मतदारांपैकी १६,३३२ मयत, ६,६३१ अनुपस्थित आणि १,२४,९६८ स्थलांतरित आहेत.
हडपसर : २,९८,४२७ अनकलेक्टेबल मतदारांपैकी १४,७१८ मयत, तब्बल २,५७,१३० अनुपस्थित आणि १३,२३० स्थलांतरित आहेत.
पुणे कॅन्टोन्मेंट : १,२१,५७७ अनकलेक्टेबल मतदारांपैकी ११,५८१ मयत, ९०,९४३ अनुपस्थित आणि ९,५०९ स्थलांतरित आहेत.
कसबा पेठ : ९२,५४९ अनकलेक्टेबल मतदारांपैकी २४,५१९ मयत, ३७,१२१ अनुपस्थित आणि १५,६८२ स्थलांतरित आहेत. या मतदारसंघात १०,८७३ मतदारांची नोंद ‘इतर’ या वर्गवारीत करण्यात आली आहे.
‘अनकलेक्टेबल’मध्ये अनुपस्थित मतदार सर्वाधिक
जिल्ह्यातील एकूण २८,६८,२२३ ‘अनकलेक्टेबल’ मतदारांमध्ये सर्वाधिक १७,८३,०५८ मतदार अनुपस्थित असल्याचे आकडेवारीवरून स्पष्ट होते. त्यानंतर ५,९१,०३८ स्थलांतरित, ३,१२,०४८ मयत, १,४३,९७५ दुबार नोंदणी आणि ३८,१०४ इतर कारणांमुळे मतदारांचा समावेश आहे. विशेष सखोल पुनरीक्षणाच्या माध्यमातून मतदार याद्यांमधील दुबार नोंदी, मयत मतदार, स्थलांतरित मतदार तसेच प्रत्यक्ष संपर्क न होऊ शकलेल्या मतदारांची माहिती तपासली जात आहे. त्यामुळे आगामी काळात या मतदार याद्यांच्या शुद्धीकरणाच्या प्रक्रियेला महत्त्व प्राप्त झाले आहे.
