अब्बास शेख
दौंड : दौंड शहरामध्ये जुगार, मटका, दारू आणि अवैध धंदा करणाऱ्यांवर दौंड पोलिसांनी कारवाई करण्यास सुरुवात केली आहे. गल्ली बोळात सुरु असलेले अवैध धंद्यावर आता पोलिसांचे छापे पडत आहेत. असाच एक प्रकार दौंड शहरात घडला असून पोलिसांच्या छाप्यात सापडलेल्या पाच जुगाऱ्यांवर दौंड पोलीस ठाण्यात गुन्हा दाखल करण्यात आला आहे.
याबाबत असिफ नबीलाल शेख ( सहाय्यक फौजदार, स्थानिक गुन्हे शाखा पुणे ग्रामिण) यांनी दिलेल्या फिर्यादीवरून आरोपी 1) जॉन ऍन्थोनि फिलीफ (वय 54 वर्ष रा. रॉयल रेसीडन्सी बंगलासाईट दौंड), 2) कमलेश सुरेश बेहरानी (वय 52 वर्ष रा शिरापुर रोड संभाजी स्तंभ,दौंड), 3) विजय सुशील श्रीसुंदर (वय 45 वर्ष रा. बंगलासाईट, ख्रिश्चन कॉलनी, दौंड), 4) मॅन्युअल डरेल डीकोस्टा (वय 45 वर्ष रा. बंगला साईट ख्रिश्चन कॉलनी, दौंड) 5) संजय भिमराव बारावकर (वय 58 वर्ष रा. गोपाळवाडी, दौंड) या पाच आरोपिंवर गुन्हा दाखल करण्यात आला आहे.
ही घटना दि. 13/04/2026 रोजी दुपारी 2:00 वाजता दौंड च्या हद्दीत असणाऱ्या बंगलासाईट, ख्रिश्चन कॉलनी येथे घडली असून एका बंद घराचे भिंतीलगत हिरवे नेटच्या आडोशास हे पाचजण रमी जुगार खेळत होते अशी माहिती दौंड पोलिसांनी दिली आहे. या छाप्यात 8,760 रुपयांची रोख रक्कम जप्त करण्यात आली आहे.
घटनेचा पुढील तपास दौंड चे पोलीस निरीक्षक गोपाळ पवार यांच्या मार्गदर्शनाखाली पोलीस हवालदार सय्यद करीत आहेत.
