दौंड : दौंड शहरामध्ये एका व्यक्तीकडून सोने, पैसे, मौल्यवान वस्तू घेऊन त्या परत न देता शारीरिक आणि मानसिक त्रास दिल्याने सदर व्यक्तीने आत्महत्या केली आहे. या व्यक्तीच्या आत्महत्येस जबाबदार असणाऱ्या तब्बल १३ जणांवर दौंड पोलिस ठाण्यात गुन्हा दाखल करण्यात आला आहे. याबाबत अव्दैत विवेक गटणे (वय 37 वर्ष व्यवसाय खाजगी नोकरी मूळ रा. महादेव गल्ली दौड ता.दौड जि.पुणे हल्ली रा. क्विन्स टाउन, चिंचवड) यांनी फिर्याद दिली आहे.
दौंड पोलिसांनी दिलेल्या माहितीनुसार, फिर्यादी यांचे वडील विवेक शंकर गटणे (वय 72 वर्षे रा.महादेव गल्ली दौंड) यांना यातील आरोपी 1) संजय भिमराव बारवकर, दौंड 2) अरीफ शमशुददीन शेख, दौंड 3) प्रकाश आबाजी भालेराव, दौंड 4) अख्तर अहमद शेख, दौंड 5) आदित्य सुधीर जगताप (पुणे ) 6) शंकर रमेश वाघमारे दौंड 7) राजू भीमराव बारवकर 8) शितोळे 9) सोनवणे 10) चोप्रा 11) कुलकर्णी (मॅडम) 12) शिंदे 13) मुल्ला (मुंबई) यांनी मागील एक वर्षा पासुन आमचे काही व्यक्ती फायनान्स कंपनीचे कर्मचारी ओळखीचे आहेत असे सांगुन त्यांनी फिर्यादी यांचे वडिलांकडून वेळोवेळी पैसे, सोने व मौल्यवान वस्तु घेवून त्या परत न करता फिर्यादी यांचे वडिलांची फसवणूक केली.
तसेच सदरचे दिलेले पैसे, सोने व मौल्यवान वस्तु वेळोवेळी परत मागितले असता ते परत न देता फिर्यादी यांचे वडिलांना आर्थीक, शारीरिक व मानसिक त्रास देवून त्यांना आत्महत्या करण्यास प्रवृत्त करून त्यांचे मृत्युस कारणीभुत ठरले आहेत. मयताने मरणापूर्वी आरोपींची नावे वहीत लिहून ठेवत सर्व घटनाक्रम त्यामध्ये नमूद केला आहे. वरील सर्व 13 आरोपीविरुध्द दौंड पोलिस ठाण्यात गुन्हा दाखल करण्यात आला असून पुढील तपास पोसई रूपेश कदम करीत आहेत.
