दौंड : दौंड तालुक्यात सध्या भाजप प्रवेशाची लाट आली आहे. मागील तीन-चार आठवड्यांमध्ये राष्ट्रवादी चे अनेक कार्यकर्ते आमदार राहुल कुल यांच्या हस्ते भाजपमध्ये प्रवेश करत आहेत. मागील काही दिवसांत रमेश थोरात गटातील विविध गावांतील अनेक कार्यकर्त्यांनी भाजप प्रवेश केला आहे.
केडगाव येथील राष्ट्रवादीच्या कार्यकर्त्यांचा भाजप मध्ये प्रवेश
मागील आठवड्यामध्ये केडगाव येथील राष्ट्रवादीच्या जेष्ठ पदाधिकारी, कार्यकर्त्यांनी आ. कुल यांच्या हस्ते भाजपामध्ये प्रवेश केला होता. आज केडगाव येथील साठ पेक्षा जास्त राष्ट्रवादी युवा, तरूण कार्यकर्त्यांनी आ. कुल यांच्या हस्ते भाजपमध्ये जाहिर प्रवेश केला आहे. ज्यामध्ये दिनेश शेळके, गोरख देशमुख, विकास सोडनवर, स्वप्नील हंडाळ, तान्हाजी गणेश हंडाळ, दादा गावडे, काका शेळके वैभव हंडाळ, राहुल टेंगले या प्रमुख कार्यकर्त्यांचा समावेश आहे.
पांढरेवाडी, मुकादमवाडी येथील कार्यकर्त्यांचा भाजप प्रवेश
काल दौड तालुक्यातील कुरकुंभ पांढरेवाडी, येथील अनेक महत्वाच्या कार्यकर्त्यांनी पाटस येथे उपस्थित राहून आमदार राहुल कुल यांच्या हस्ते भाजप प्रवेश केला होता. ज्यामध्ये चंद्रकांत जाधव (विद्यमान उपसरपंच पांढरेवाडी) श्रीकांत जाधव, (न्यू शिवशक्ती मित्र मंडळ पांढरेवाडी) दत्तात्रय जाधव, भाऊसाहेब जाधव, विजय कुमार चव्हाण, शुभम चव्हाण, तेजस जगताप, धनंजय सातपुते, विशाल जाधव, मंगेश चव्हाण, सूरज जाधव, ज्ञानेश्वर कदम, हर्ष जाधव, तन्मय जाधव, गणेश मोरे या प्रमुख कार्यकर्त्यांचा समावेश आहे.
