दौंड : दौंड तालुक्यातील यवत येथे दुचाकी आणि पायी रस्ता ओलांडणाऱ्या एका व्यक्तीचा अपघात होऊन पायी असणारी व्यक्ती जागीच ठार झाली आहे तर दुचाकीवरील प्रज्वल शेळके हा गंभीर जखमी असून विनोद बारवकर यासही जबर मार लागल्याने त्यासही रुग्णालयात दाखल करण्यात आले आहे.
मिळालेल्या माहितीनुसार केडगाव येथील दोन तरुण दुचाकीवरून जात असताना महामार्ग ओलांडणारी एक अज्ञात व्यक्ती आणि त्यांच्या दुचाकीचा अपघात झाला. या अपघातामध्ये अज्ञात व्यक्ती जागीच ठार झाली तर दुचाकीवरील प्रज्वल शेळके या युवकास जबरी मार लागल्याने त्यास पुढील उपाचारासाठी लोणीकाळभोर येथील खाजगी हॉस्पिटलमध्ये दाखल करण्यात आले आहे.
या अपघातामध्ये विनोद बारवकर हा युवकही जखमी झाला असून त्यास यवत येथील खाजगी रुग्णायलात दाखल करण्यात आले आहे. अपडेट न्यूज थोड्याच वेळात…
