अब्बास शेख
दौंड : मला परमेश्वरावर विश्वास आहे आणि त्यामुळे मी सांगतो की कोणी काहीही भाकीत करो पण परतीचा पाऊस हा आपल्या संपूर्ण जिल्ह्यात आणि पर्यायाने दौंड तालुक्यात नक्की होईल असा मला विश्वास आहे असे उद्गार दौंडचे आमदार राहुल कुल यांनी परवा म्हणजे २६ सप्टेंबर रोजी केडगाव येथील कृषी उत्पन्न बाजार समितीच्या शेतकरी मेळाव्यात काढले होते आणि त्यानंतर एक दिवस जात नाही तोच २८ सप्टेंबरला पुणे जिल्ह्यातील विविध भागांमध्ये दमदार पावसाला सुरुवात झाल्याने आ.राहुल कुल यांच्या वक्तव्याला विशेष महत्व प्राप्त झाले आहे.
दौंड तालुका आणि पुणे जिल्ह्यातील अनेक भागांमध्ये दुष्काळ जाहीर करण्यात आला आहे. पावसाने हुलकावनी दिल्याने अनेक ठिकाणी पावसाची प्रतीक्षा करणाऱ्या शेतकऱ्यांनी पाऊस येण्याची आशा सोडून दिली आहे मात्र परवा झालेल्या केडगाव येथील कृषी उत्पन्न बाजार समितीच्या वार्षिक सर्वसाधारण सभा आणि शेतकरी मेळाव्यात दौंडचे आमदार राहुल कुल यांनी पावसाच्या विषयावर बोलताना, मला परमेश्वरावर पूर्ण विश्वास आहे आणि तो आपल्याला वाऱ्यावर सोडणार नाही हेही मला माहित आहे असे म्हणत..
जरी हवामान अंदाज सांगणारे आता पाऊस पडूच शकत नाही असे म्हणत असतील तरी मला मात्र पूर्णपणे विश्वास आहे की आपल्याकडे परतीचा पाऊस नक्की होईल आणि शेतकऱ्याला यातून समाधान लाभेल असा विश्वास व्यक्त केला होता. आज पुणे जिल्ह्यातील विविध तालुके आणि दौंड तालुक्यातील विविध गावांमध्ये झालेला पाऊस पाहता आमदार कुल यांचा विश्वास हा निश्चित दृढ होता याची चर्चा तालुकाभर होऊ लागली आहे.
