यवत/दौंड : यवत पोलीस ठाण्याच्या हद्दीत गिट्स कंपनीमधील तांब्याच्या केबलची चोरी करणाऱ्या आरोपीला पोलिसांनी अटक केली असून, त्याच्याकडून चोरीच्या केबलसह गुन्ह्यात वापरलेली मोटारसायकल असा एकूण १ लाख रुपयांचा मुद्देमाल जप्त करण्यात आला आहे.
दिनांक २ सप्टेंबर २०२६ रोजी रात्री १ ते २ वाजण्याच्या दरम्यान यवत पोलीस ठाण्याच्या हद्दीतील मौजे नानगाव, ता. दौंड येथील गिट्स कंपनीमधून विविध आकारांच्या एकूण ९४ हजार रुपये किमतीच्या तांब्याच्या केबल चोरीस गेल्या होत्या. याप्रकरणी यवत पोलीस ठाण्यात गुन्हा दाखल करण्यात आला होता.गुन्ह्याच्या तपासासाठी पोलिसांनी तत्काळ तपास पथक तयार करून सीसीटीव्ही फुटेजच्या आधारे आरोपीचा शोध सुरू केला. तपासादरम्यान सदर चोरी सागर बिभीषण जाधव (वय २५ वर्षे, व्यवसाय मजुरी, सध्या रा. राजेवस्ती, ता. हवेली, जि. पुणे, मूळ रा. सहजपूर, ता. दौंड, जि. पुणे) याने केल्याची खात्रीशीर माहिती पोलिसांना मिळाली. त्यानंतर त्याला ताब्यात घेऊन चौकशी केली असता त्याने गुन्ह्याची कबुली दिली.
गुन्ह्याच्या तपासासाठी पोलिसांनी तत्काळ तपास पथक तयार करून सीसीटीव्ही फुटेजच्या आधारे आरोपीचा शोध सुरू केला. तपासादरम्यान सदर चोरी सागर बिभीषण जाधव (वय २५ वर्षे, व्यवसाय मजुरी, सध्या रा. राजेवस्ती, ता. हवेली, जि. पुणे, मूळ रा. सहजपूर, ता. दौंड, जि. पुणे) याने केल्याची खात्रीशीर माहिती पोलिसांना मिळाली. त्यानंतर त्याला ताब्यात घेऊन चौकशी केली असता त्याने गुन्ह्याची कबुली दिली.आरोपीकडून ६० हजार रुपये किमतीची तांब्याची केबल आणि गुन्हा करताना वापरलेली मोटारसायकल, असा एकूण १ लाख रुपये किमतीचा मुद्देमाल जप्त करण्यात आला आहे. आरोपीकडून ६० हजार रुपये किमतीची तांब्याची केबल आणि गुन्हा करताना वापरलेली मोटारसायकल, असा एकूण १ लाख रुपये किमतीचा मुद्देमाल जप्त करण्यात आला आहे.
ही कारवाई पुणे ग्रामीण पोलीस अधीक्षक संदीपसिंग गिल, अपर पोलीस अधीक्षक गणेश बिरादार आणि उपविभागीय पोलीस अधिकारी बापूराव दडस यांच्या मार्गदर्शनाखाली व पोलीस निरीक्षक संतोष तासगावकर यांच्या नेतृत्वाखाली पोलीस उपनिरीक्षक मारोती मेतलवाड, पोलीस हवालदार रवींद्र मोहिते, संदीप देवकर, रॉकी देवकाते, पोलीस कॉन्स्टेबल धिरज जाधव, प्रतीक जगताप, अमोल भुजबळ, सचिन गायकवाड, दिनेश लोणकर आणि विनीत कुऱ्हाडे यांनी केली आहे.
