जावेद इनामदार
बारामती : बारामतीच्या सामाजिक कार्याचा वारसा जपणारे एकनिष्ठ कार्यकर्ते व यादगार फौंडेशन चे सर्वेसर्वा फिरोज आजीजभाई बागवान यांची पक्षासाठी असणारी निष्ठा लक्षात घेता पक्ष नेतृत्वाने त्यांची राष्ट्रवादी काँग्रेस पक्षाच्या अल्पसंख्यांक विभागाच्या राज्य उपाध्यक्ष निवड केली आहे.
याबाबत प्रतिक्रिया देताना फिरोज अजिजभाई बागवान म्हणाले की, माझ्या सारख्या एका कार्यकर्त्याला जबाबदारी सोपवल्याबद्दल सर्वप्रथम पक्षाच्या राष्ट्रीय अध्यक्ष व महाराष्ट्र राज्याचे उपमुख्यमंत्री आदरणीय श्रीमती. सुनेत्रावहिनी अजितदादा पवार यांचे मनःपूर्वक आभार व्यक्त करतो. ही नियुक्ती माझ्यासाठी सन्मानासोबतच मोठी जबाबदारीही आहे.
पक्षाची विचारधारा व स्वर्गीय अजितदादांचा अल्पसंख्यांक समाजासाठी असलेले घनिष्ट नातं सदैव स्मरणात ठेवत, सर्वसामान्य जनतेचे प्रश्न व विकासाच्या दृष्टीने अल्पसंख्यांक समाजाला शैक्षणिक,व्यवसायिक क्षेत्रात कसे पुढे नेहता येईल त्यासाठी मी प्रामाणिकपणे काम करण्याचा संकल्प करतो असे म्हणत महाराष्ट्राचे प्रदेशाध्यक्ष ॲड.नाझेर काझी यांचे विशेष आभार मानले.
