पाटस, दौंड : दौंड तालुक्यातील पाटस टोल नाक्यावर गज आणि कोयत्याने हाणामारी झाल्याची घटना घडली आहे. याबाबत पोलिस स्टेशन येथे सहा जणांवर विविध कलमांद्वारे गुन्हा दाखल करण्यात आला आहे.
मिळालेल्या माहितीनुसार, राहुल पांडुरंग खोमणे (वय 30 वर्षे, व्यवसाय खाजगी नोकरी, रा. पाटस अंबिकानगर ता. दौड) यांनी दिलेल्या फिर्यादीवरून आरोपी 1) रमेश बाबाजी शेगर (रा. पाटस ता. दौंड) 2) प्रसाद शंकर मेरगळ (रा. बिरोबावाडी ता. दौंड), 3) शुभम रामचंद्र मारणे (रा. कात्रज पुणे), 4) अभिषेक सुधीर चौगुले, 5) शाहरुख बाबु शेख (दोन्ही रा. पाटस ता. दौंड), 6) जिवन रविंद्र गायकवाड, (रा. कानगाव ता. दौंड) या सहा जणांवर गुन्हा गुन्हा दाखल करण्यात आला आहे.
ही घटना दि. 13/04/2026 रोजी सायंकाळी 5:15 च्या सुमारास पाटस टोल प्लाझा ता.दौंड येथे घडली असून यातील फिर्यादी राहुल पांडुरंग खोमणे हे पाटस टोल प्लाझा येथे टी. सी. खाजगी नोकरी करीत असताना यातील आरोपी क्र 1 ते 6 यांनी पाटस टोल प्लाझा येथे मारुती सुझुकी कंपनीची स्विप्ट नं. एम.एच. 13/ए.एम/0377 या गाडीमध्ये येवून गाडीतुन हातात लोखंडी कोयता व गज घेवुन टोलनाक्यावरील टोल बुथची तोडफोड करून फिर्यादीला हाताने मारहाण केली.
यावेळी आरोपी क्र. 2 याने त्याचे हातातील लोखंडी कोयत्याने फिर्यादीचा जीव जावु शकतो हे माहीत असतानाही लोखंडी कोयता फिर्यादीच्या डोक्यात मारत असताना फिर्यादीने सदर कोयता हा उजवे हाताने अडवलेने तो कोयता फिर्यादीचे उजवे हाताचे अंगठ्यावर बसुन मार लागला आहे. या घटनेचा पुढील तपास पोलीस उपनिरीक्षक कोल्हे हे करीत असून सदर गुन्ह्यातील 4 आरोपींना गुन्ह्यात अटक करण्यात आली असून त्यांना न्यायालयाकडून 3 दिवसांची पोलिस कोठडी देण्यात आली आहे.
