लोणीकाळभोर : रियाज शेख
एमआयटी आर्ट, डिझाईन आणि टेक्नॉलॉजी विद्यापीठ, विश्वराज बाग, लोणी काळभोर येथील क्रिडा संचालक व शिवछत्रपती पुरस्कार विजेते पद्माकर फड यांची महाराष्ट्र राज्य बॉक्सिंग असोसिएशनच्या निवड समिती सदस्य पदी नुकतीच नियुक्ती करण्यात आली.
त्यांच्या नियुक्तीबद्दल एमआयटी एडीटी विद्यापीठाचे कार्याध्यक्ष आणि कुलगुरू प्रा. डॉ. मंगेश कराड, एमआयटी कॉलेज ऑफ मिटकॉमच्या संचालिका प्रा. डॉ. सुनीता मंगेश कराड, विद्यापीठाचे प्र- कुलगुरू डॉ. अनंत चक्रदेव, कुलसचिव डॉ. महेश चोपडे, डॉ. रामचंद्र पुजेरी यांच्यासह सर्व विभागाचे डीन, डायरेक्टर, शिक्षक आणि शिक्षकेत्तर कर्मचाऱ्यांनी अभिनंदन केले.
श्री. पद्माकर फड यांनी 1989 मध्ये चीन येथे झालेल्या आशियाई बॉक्सिंग स्पर्धेत भारताचे प्रतिनिधित्व करताना कांस्य पदक जिंकले आहे. तसेच भारत विरोध थायलँड बॉक्सिंग स्पर्धेतमध्ये सुवर्ण पदक जिंकले होते.1983 ते 1988 दरम्यान झालेल्या बॉक्सिंगच्या राष्ट्रीय स्तरावरील कनिष्ठ आणि वरिष्ठ गटामध्ये त्यांनी 5 सुवर्ण पदक आणि 2 रौप्य पदक जिंकले असून महाराष्ट्र राज्याचे सलग 7 सुवर्ण पदक विजेते आहेत.
तसेच त्यांनी राष्ट्रीय बॉक्सिंग स्पर्धेत पंच म्हणून काम पाहिले आहेत. 2002 मध्ये डब्लिन, आयर्लंड येथे झालेल्या जागतिक सैन्य बॉक्सिंग चँपियनशिपसाठी त्यांनी भारतीय बॉक्सिंग संघाचे मुख्य प्रशिक्षक म्हणून ही काम पाहिले आहे.
नेताजी सुभाष नॅशनल इस्टीट्युट ऑफ स्पोर्टस् पटियाला येथून त्यांनी 1991 मध्ये एक वर्षाचा कोचिंग डिप्लोमा प्रथम श्रेणीत उत्तीर्ण केले आहेत. 2008 साली पुणे येथे झालेल्या युवा राष्ट्रकुल स्पर्धेमध्ये सहाय्यक प्रोजेक्ट अधिकारी म्हणून ही काम केले आहे.
आर्मी स्पोर्टस् इस्टीट्युट, पुणेचे प्रथम मुख्य प्रशिक्षक राहिले आहेत. सैनादलमध्ये त्यांनी आंतरराष्ट्रीय आणि राष्ट्रीय दर्जाचे अनेक मुष्टीयुद्धे तयार केले आहेत.
