केडगाव : दौंड पश्चिम मंडल भारतीय जनता पार्टीच्या किसान मोर्चाच्या उपाध्यक्षपदी केडगाव येथील दादा पिसे आणि कार्यकारिणी सदस्यपदी विकास शेळके यांची निवड करण्यात आली आहे. त्यांना या निवडीचे नियुक्तीपत्र दौंडचे आमदार राहुल कुल यांच्या हस्ते प्रदान करण्यात आले. यावेळी दौंड तालुक्यातील विविध मान्यवर राहू येथे उपस्थित होते.
पिसे आणि शेळके यांची निवड झाल्याबद्दल केडगाव येथे भीमा पाटसचे मा.संचालक अप्पासाहेब हंडाळ यांनी शाल, श्रीफळ आणि पुष्पगुच्छ देऊन त्यांचे अभिनंदन केले. यावेळी शहाजी गायकवाड, पिरतू सुळ (फौजी), दशरथ गरदडे, अशोक हंडाळ, तात्या हंडाळ, धनाजी हाके, नायकू गरदडे, मनोज होळकर,प्रमोद निंबाळकर, शिवाजी (बंडू) शेळके दत्ता शेळके, नितीन जगताप, महेश म्हेत्रे, नानासाहेब हाके, संपत हंडाळ, कांताराम हंडाळ, दिनेश राऊत, दिनेश गिरमे, राहुल गायकवाड, सतिष गायकवाड, नवनाथ गायकवाड यांसह विविध पदाधिकारी, मान्यवर उपस्थित होते.
दादा पिसे आणि विकास शेळके हे आमदार राहुल कुल यांचे खंदे समर्थक असून त्यांनी विविध निवडणुकांमध्ये भारतीय जनता पक्षासाठी मोलाची कामगिरी बजावली आहे. राहू येथे आमदार राहुल कुल यांनी उपस्थितांना संबोधताना, नूतन पदाधिकाऱ्यांनी भाजप किसान मोर्चाच्या माध्यमातून शेतकऱ्यांच्या अडचणींना आक्रमकपणे वाचा फोडावी आणि शासनाच्या शेतकरी हिताच्या योजना तळागाळातील शेतकऱ्यांपर्यंत पोहोचवण्यामध्ये महत्त्वाची भूमिका बजवावी असे सांगितले.
