पुणे : सहकारनामा
पुणे मुंबई हायवेवर कंटेनरने दिलेल्या धडकेत भीषण अपघात होऊन 5 जणांना आपला जीव गमवावा लागला आहे. हा अपघात खोपोली जवळ असणाऱ्या फुडमॉल समोर घडला आहे.
मिळालेल्या माहितीनुसार दि.16 फेब्रुवारी रोजी मध्यरात्री 12:30 च्या सुमारास भरधाव वेगात असणाऱ्या कंटेनरने चार वाहनांना मागून धडक दिली. ही धडक इतकी भीषण होती की यामध्ये 4 वाहनांचा चक्काचूर झाला तर पाच जणांचा जागीच मृत्यू होऊन पाच जण गंभीर जखमी झाले. या अपघातामध्ये एका लहान मुलीसह पाच जनांचा समावेश आहे.
हे पाचहीजण एकाच कुटुंबातील असल्याचे सांगितले जात आहे.
मंजू प्रकाश नायर, डॉ. वैभव वसंत झुंझारे, उषा वसंत झुंझारे, वैशाली वैभव झुंझारे, श्रिया वैभव झुंझारे वय-5 (सर्व रा.
ए/१-३,४, अधिकारी वसाहत, नवी मुंबई मनपा, सेक्टर १५, नेरुळ, नवी मुंबई) यांचा या अपघातामध्ये दुर्दैवी मृत्यू झाला आहे. तर सोनाजी कांबळे, प्रकाश हेमराज नाहर, अर्णव वैभव झुंझारे, किशन चौधरी व काळूराम जमनाजी जाट यांचा जखमींमध्ये समावेश आहे.
अपघात झाल्यानंतर महामार्गावरील वाहतूक विस्कळीत झाली होती. यावेळी तेथील स्वयंसेवकांनी आणि पोलिसांनी जखमींना मदत करत वाहतूक सुरळीत केली.
