दौंड : सहकारनामा ऑनलाईन
दौंड येथील राज्य राखीव दल गट क्र.5 ची 107 जवानांची एक तुकडी मुंबई येथे आपले कर्तव्य बजावून दौंड येथे दाखल झाली असून त्यांची नानविज येथील पोलीस प्रशिक्षण केंद्रात स्वॅप टेस्ट करण्याचे काम सुरू आहे.
स्वॅप टेस्टनंतर या सर्व जवानांना चौदा दिवस क्वारंटाईन करण्यात येणार आहे. मागील काही दिवसांपूर्वी 110 जवानांची स्वॅपटेस्ट करण्यात आली होती त्यामध्ये 8 जवान कोरोना बाधित झाल्याचे समोर आले होते. त्यामुळे आता आपले कर्तव्य बजावून आलेल्या या तुकडीचेही स्वॅप टेस्ट दौंडमध्येच घेतले जात आहेत.
मुंबईवरून दौंडमध्ये परतलेल्या जवानांच्या तुकडीचे बेटवाडी ग्रामस्थांनी पुष्प वर्षाव करून अनोख्या पद्धतीने स्वागत केले. ग्रामस्थांनी दौंड-पाटस रोडवर रांगोळी काढत, फटाके वाजवून जवानांचे स्वागत केले. या स्वागताने जवानही भारावून गेले होते.
