अब्बास शेख
दौंड : सध्या इंटरनेटचे युग आहे. जसजसे नेट पॅक स्वस्त होत गेले तसतसे प्रत्येकाच्या हातामध्ये अँड्रॉइड फोन दिसू लागले आणि याच फोनमधून युवा पिढी चांगल्या गोष्टी पाहता पाहता मर्यादेच्या हद्दी ओलांडून चुकीच्या क्लिप्स पाहून वासनांध होत मानवतेला काळिमा फासणाऱ्या गोष्टी करु लागली आहे. ना कुणाचा धाक, ना कुणी रोखणारे यामुळे सध्याच्या पिढीला ऐन तारुण्यातच जेलची हवा खावी लागत आहे.
अशीच एक भयंकर घटना दि.२० सप्टेंबर रोजी सायंकाळी ७ वाजता दौंड शहरात घडली असून २१ वर्षीय आयुष अनिल कोळी याने एका १४ वर्षीय मुलीवर जबरदस्तीने अत्याचार करत तिला जीवे मारण्याची धमकी दिली आहे. मिळालेल्या माहितीनुसार, सदर मुलगी ही सायंकाळी ७ वाजता बिल्डिंगसमोर असणाऱ्या सिमेंट रस्त्यावर खेळून बिल्डिंग मधील स्वतःच्या घरात जिन्याने जात असताना वरील नराधम आरोपीने तिला जबरदस्ती आपल्या खोलीत ओढून तिचे तोंड दाबत घराचा दरवाजा आतून बंद केला.
यानंतर तिला आतील बेडरूम मध्ये घेऊन जात या मुलीचे जबरदस्तीने कपडे काढत तिच्यावर पाशवी अत्याचार केला. आपली वासना भागवल्यानंतर या आरोपीने पिडीत मुलीला या प्रकाराची कुठे वाच्यता केली तर जीवे मारू अशी धमकी दिली त्यामुळे घाबरलेल्या या मुलीने एक दिवस कुणाला काही सांगितले नाही मात्र दुसऱ्या दिवशी ती या धक्क्यातून थोडी सावरल्याने तिने रात्रीच्या वेळी घडलेला सर्व प्रकार आपल्या चुलतीला सांगितल्याने हा भयानक प्रकार उघडकीस येऊन या आरोपीविरोधात दौंड पोलीस ठाण्यात गुन्हा दाखल करण्यात आला. आरोपीला पोलिसांनी अटक केली असून या घटनेचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस उपनिरीक्षक भाऊसाहेब लोकरे हे करीत आहेत.
