इंदापूर : इंदापूर तालुक्यातील काकडेवस्ती, बावडा येथील घरावर 6 जणांच्या टोळीने सशस्त्र दरोडा टाकत घरातील महिला आणि मुलींचे दागिने लुटून नेले. यावेळी प्रतिकार करणाऱ्या घरातील सदस्यांना जबर मारहाण करण्यात आली आहे.
मिळालेल्या माहितीनुसार दि.15 सप्टेंबर 2022 रोजी आरोपी अविनाश पवार, विजय काळे तसेच मिथुन काळे व त्यांच्या इतर चार साथीदारांनी फिर्यादी अनिता अंकुश काकडे (रा. काकडेवस्ती, बावडा ता.इंदापूर ) यांच्या घराचा दरवाजा उचकटुन घरामध्ये प्रवेश केला आणि फिर्यादी यांना मारहाण करत चाकुचा धाक दाखवून त्यांच्या गळयातील सोन्याचे मंगळसुत्र हिसकावुन घेतले. यावेळी फिर्यादीच्या पती व मुलास यास जिवे ठार मारण्याची धमकी देवुन त्यांना लोखंडी पाइप तसेच हाताने मारहाण करून घरात असणाऱ्या कपाटातील, पर्समधील तसेच फिर्यादीचे मुलीच्या कानातील सोन्या चांदीचे दागीने चोरून नेले आहेत.
आरोपिंनी घरफोडीमध्ये १)२०,००० रुपयांचे अर्धा तोळे सोन्याचे मनी मंगळसुत्र
२) २३,००० रुपयांचा अर्धा तोळे सोन्याचा गंठन
३)२३,००० रुपयांचे अर्धा तोळे सोन्याचे टॉप्स
४) २२,००० रुपयांच्या अर्धा तोळे सोन्याच्या ठुशी
५) ८,००० रुपयांच्या दोन ग्रॅम सोन्याचा रिंगा
६) १२,००० चे तिन
ग्रॅम सोन्याची फुले
७) ३००० चे चांदीचे पैंजन
८) ७०० ची नाकातील सोन्याची मुरणी
असा एकूण १ लाख ११ हजार ७०० रुपयांचा ऐवज घरफोडी करून चोरून नेला आहे.
सदर आरोपिंवर घरफोडी, दरोड्याचा गुन्हा दाखल करण्यात आला असून अधिक तपास सपोनि पाटील हे करीत आहेत.
