दौंड : सहकारनामा ऑनलाईन (अब्बास शेख)
दौंड तालुक्यातील गलांडवाडी येथे एका 60 वर्षीय वृद्धाला कोरोनाची बाधा झाली आहे, मात्र त्याच बरोबर 62 पैकी 61 जणांची चाचणी निगेटिव्ह आली आहे त्यामुळे कोरोनाच्या वाढत्या प्रभावाला आता कुठेतरी आळा बसत असल्याचे दिसत आहे.
यवत ग्रामीण रुग्णालय आणि स्वामी चिंचोली कोविड सेंटरतर्फे एकूण 62 जणांचे स्वॅब तपासणीसाठी पुण्यातील प्रयोग शाळेत पाठविण्यात आले होते त्यापैकी गलांडवाडी येथील फक्त 1 जण पॉझिटिव्ह आढळले आहेत अशी माहिती यवत ग्रामीण रुग्णालयाचे वैद्यकीय अधीक्षक डॉ.इरवाडकर आणि तालुका आरोग्य अधिकारी डॉ.रासगे यांनी दिली आहे.
दौंड तालुक्यामध्ये सध्या कोरोनाने चांगलाच जम बसवला असल्याचे विविध रिपार्टवरून समोर येत आहे मात्र तरीही आता मोठ्या प्रमाणावर रुग्ण निगेटिव्ह आढळू लागल्याने कोरोनाची साखळी खंडित करण्यात प्रशाकीय यंत्रणेला यश येत आहे असे म्हटले तर वावगे ठरणार नाही.
