मुंबई : मराठी सिनेसृष्टीला आज मोठा धक्का बसला असून सुप्रसिद्ध कला दिग्दर्शक नितीन देसाई (Nitin Desai) यांनी आज आपल्या एन. डी. स्टुडिओमध्ये आत्महत्या केली आहे. त्यांचे मुंबई जवळच्या कर्जतमध्ये एनडी स्टुडीओ होते तेथे त्यांनी गळफास घेऊन आपले आयुष्य संपवले आहे.
नितीन देसाईंच्या आत्महत्येनं हिंदी आणि मराठी सिनेसृष्टी हादरली आहे. कोरोना काळानंतर त्यांच्या व्यवसायावर परिणाम होत गेल्याचे बोलले जात असून वयाच्या 58 व्या वर्षी त्यांनी आयुष्य संपवले आहे. नितिन देसाई हे लोकप्रिय कलादिग्दर्शक, निर्माता दिग्दर्शक आणि अभिनेतेदेखील होते.
नितिन देसाई हे मराठी आणि हिंदी सिनेसृष्टीमध्ये त्यांची एक वेगळीच ओळख होती. त्यांनी अनेक सुपरहिट हिंदी सिनेमांचे सेट उभारले होते. प्रेम रतन धन पायो, ‘1942 अ लव्ह स्टोरी’, ‘हम दिल दे चुके सनम’, ‘माचिस’, ‘देवदास’, ‘लगान’, ‘जोधा अकबर’ या सुपरहिट सिनेमाचं त्यांनी कला दिग्दर्शन केलं होतं. नितिन देसाई हे मराठी आणि हिंदी सिनेसृष्टीतलं मोठं नाव होतं
