Social Work – सुमन नारायण उद्योग समूहाच्या वतीने प्रवासी, कोरोना रुग्ण आणि कोविड योद्ध्यांसाठी मोफत जेवण

| सहकारनामा |

दौंड :  सुमन नारायण उद्योगसमूह आणि आमदार राहुलदादा कुल मित्र मंडळाच्या वतीने पाटस (ता.दौंड) येथील  हॉटेल आदित्य याठिकाणी कोरोना योद्धा, व येणाऱ्या जाणाऱ्या गरीब प्रवाश्यांना मोफत जेवण देण्यात येत आहे. परिसरातील कोविड सेंटर, हॉस्पिटल या त्या ठिकाणीही जेवणाचे डबे पार्सल केले जात आहोत.

सुमन नारायण फर्मच्या माध्यमातून वरवंड कोविड सेंटर येथील गरीब नागरिकांसाठी एच आर सी टी (HRCT) हि महत्वपूर्ण टेस्ट करण्यासाठी प्रत्येकी 2500 रुपये दिले गेले आहेत. आत्तापर्यंत जवळपास 25 ते 30 लोकांना हि मदत करण्यात आली आहे.

आपली सामाजिक बांधिलकी समजून जेवण आणि गोरगरिबांसाठी लागणाऱ्या HRTC या टेस्टचा सर्व खर्च हा सुमन नारायण कंपनीचे प्रमुख संजयभाऊ जाधव व त्यांचे लहान बंधू विजय जाधव हे करीत आहेत. त्यांच्या या कार्याचे पंचक्रोशीतून कौतुक होत आहे.