धुळे : नुकताच समृद्धी महामार्गावर खाजगी बस चा भीषण अपघात होऊन त्यामध्ये 25 जणांचा मृत्यू झाला होता. तसच काहीसा प्रकार आज धुळे-मुंबई-आग्रा महामार्गावर घडला आहे. या महामार्गावरील शिरपूर तालुक्यात असणाऱ्या पळासनेर गावाजवळ भीषण अपघात होऊन यात 9 जण ठार झाले असून हा आकडा 12 वर जाण्याची भीती व्यक्त केली जात आहे.
हा अपघात कंटेनरचे ब्रेक फेल झाल्याने झाला असल्याचे जात असून भरधाव कंटेनर हॉटेलमध्ये शिरल्याने त्या खाली चिरडून अनेकांचा यात मृत्यू झाल्याचे सांगितले जात आहे. या भीषण अपघातात अगोदर 9 जण मृत्युमुखी पडल्याचे जात होते मात्र मृतांचा आकडा वाढून 12 होतो की काय याची भीती वर्तवण्यात येत आहे. या अपघातात साधारण 20 जण जखमी झाले असल्याचेही पुढे येत आहे.
हा अपघात आज सकाळी 11 च्या सुमारास धुळे-मुंबई-आग्रा महामार्गावरील पळासनेर बायपासवर घडला आहे. या अपघातात मृतांची संख्या वाढत असल्याने परिसरात चिंतेचे वातावरण आहे. या ठिकाणी जखमींना मदत कार्य सुरू झालेले असून त्यांना रुग्णालयात दाखल करण्यात येत आहे. या अपघातामध्ये कंटेनरचे ब्रेकफेल झाल्याने अगोदर त्याने 2 वाहनांना उडवले आणि नंतर तो एका हॉटेलमध्ये घुसल्याने मृतांचा आकडा वाढला आहे.
