दौंड | जागतिक पर्यावरण दिनानिमित्त भारतीय जैन संघटना यांनी वृक्षारोपनाची मोहीम देशभर हाती घेतली आहे. केडगाव विभागाच्या वतीने व एक मित्र एक वृक्ष संस्था केडगाव यांच्या संयुक्त विद्यमाने 600 झाडांचे वृक्षारोपण केडगाव येथे करण्यात आले.
या उपक्रमा वेळी भारतीय जैन संघटनाचे महाराष्ट्र राज्य अध्यक्ष नंदुभाऊ साखला, राज्य सचिव दिपकभाऊ चोपडा, विभागीय अध्यक्ष सचिन बोगावत, विभागीय सचिव विरेश छाजेड, उपाध्यक्ष हर्षल भटेवरा, विभागीय सदस्य कमलेश गांधी, मनोज गुंदेचा , पुणे ग्रामीण 1 चे जिल्हाध्यक्ष मनोज पोखरणा, खजिनदार प्रितम गांधी, केडगाव सरपंच अजित शेलार, केडगाव श्रावक संघ चे अध्यक्ष निशांत चोपडा, उपाध्यक्ष संतोष शेलोत , खजिनदार चेतन मांडोत, सचिव श्री गौरव गुंदेचा, एक मित्र एक वृक्ष चे अध्यक्ष प्रशांत मुथा, संजय मेहेर, महावीर पारख हे उपस्थित होते.
या मध्ये जास्तीत जास्त देशी झाडे लावण्यात आली ज्यामध्ये करंज, शिसम, पिंपळ, चिंच या वृक्षाचा वापर करण्यात आला. सदर रोपे इंदापूर येथील शहा नर्सरीने दिली होती. जगामध्ये वृक्षांची वारेमाप वृक्षतोड होत असल्याने संपूर्ण जगात तापमान वाढ होताना दिसत आहे. या तापमान वाढीचा मोठा फटका विविध देशांना जाणवू लागला असून यात भारतालाही मोठ्या समस्यांचा सामना करावा लागत आहे. तापमान वाढ रोखायची असेल आणि भरपूर पाऊस हवा असेल तर वृक्ष लागवडी शिवाय पर्याय नाही. त्यामुळे भारतीय जैन संघटना तसेच एक मित्र, एक वृक्ष या संघटनांकडून हाती घेण्यात आलेल्या वृक्ष लागवडीच्या सामाजिक उपक्रमाचे कौतुक होत असून त्यास मोठा प्रतिसाद मिळत असल्याचे दिसत आहे.
