दौंड : भीमथडी शिक्षण संस्थेचे मानद सचिव, मा. नगराध्यक्ष प्रेमसुख कटारिया यांचा वाढदिवस मोठ्या उत्साहात व जल्लोषपूर्ण वातावरणात साजरा करण्यात आला. वाढदिवसाच्या निमित्ताने भीमथडी शिक्षण संस्थेने व कटारिया यांच्या समर्थकांनी शहरात विविध सामाजिक उपक्रमांचे आयोजन केले.
आमदार राहुल कुल तसेच शहरातील विविध राजकीय पक्षांचे व संघटनांचे पदाधिकारी व कार्यकर्त्यांनी कटारिया यांची भेट घेत त्यांना वाढदिवसाच्या शुभेच्छा दिल्या.
भीमथडी शिक्षण संस्थेच्या सर्व शाखांच्या वतीने संस्थेच्या प्रांगणात प्रेमसुख कटारिया यांच्या वाढदिवस अभिष्टचिंतन सोहळ्याचे आयोजन करण्यात आले.
आमदार राहुल कुल, पीडीसीसी बँकेचे संचालक प्रदीप कंद, ऍड. सुधीर पाटसकर, संस्थेचे चेअरमन विक्रम कटारिया, मा. नगराध्यक्ष शितल कटारिया, नंदू पवार, गोविंद अग्रवाल, आदी मान्यवर यावेळी उपस्थित होते. कि.गु.कटारिया महाविद्यालयाच्या वतीने रक्तदान शिबिराचे आयोजनही करण्यात आले होते. शिबिरामध्ये शिक्षक वर्ग ,विद्यार्थ्यांनी रक्तदान करून उत्स्फूर्त प्रतिसाद दिला.
कटारिया पतसंस्थेच्या वतीने येथील गांधी चौकामधील संस्थेच्या प्रांगणात प्रेमसुख कटारिया यांचा वाढदिवस साजरा करण्यात आला. यावेळी पतसंस्थेचे अध्यक्ष रमेश कटारिया यांच्या हस्ते प्रेमसुख कटारिया यांचा सत्कार करण्यात आला. दीपक भंडारी, डॉ. महेंद्र मुनोत, अमोल काळे, अनिल सोनवणे,फारुख कुरेशी,रुपेश कटारिया, राजू बारवकर, राजू जाधव आदि उपस्थित होते.
मा. नगराध्यक्ष आकांक्षा काळे व ॲड. अमोल काळे यांच्या वतीने, नगराध्यक्ष शितल कटारिया यांच्या हस्ते येथील श्रीराम मतिमंद शाळेतील विद्यार्थ्यांना भोजन व मिठाईवाटप करण्यात आली.
संस्थेचे अध्यक्ष भंडारी सर शिक्षक व सेवक वर्ग यावेळी उपस्थित होते. उपस्थित विद्यार्थ्यांनी शीतल कटारिया यांचा पुष्पगुच्छ देऊन सत्कार केला.
