सागर जगदाळे
इंदापूर
इंदापूर तालुक्यातील लामजेवाडीतुन १,७७,५०० रुपयांचा ऐवज लंपास
भिगवण : सागर जगदाळे
इंदापूर तालुक्यातील लामजेवाडी या गावात शनिवारी(दि.१६)च्या संध्याकाळी चोरट्यांनी लोखंडी कोयत्या सारख्या हत्याराचा धाक दाखवून एका दाम्पत्याला लुटल्याची घटना घडली आहे. याबाबत विनायक प्रकाश शेलार (वय ३६ वर्षे) यांनी भिगवण पोलीस ठाण्यात फिर्याद दिली आहे.
भिगवण पोलीस सूत्रांकडून मिळालेल्या माहितीनुसार,शनिवारच्या रात्री दोनच्या दरम्यान अज्ञात तीन चोरट्यांनी शेलार दाम्पत्याच्या घराच्या दरवाजाचे कोयंडे तोडून घरात प्रवेश केला. शेलार दाम्पत्याला याची चाहूल लागल्यानंतर ते जागे झाल्यावर चोरट्यांनी शेलार दाम्पत्याच्या चेहऱ्यावर बॅटरी दाबून त्यांना लोखंडी कोयत्या सारख्या हत्याराचा धाक दाखवून घरातील बेडरूममधील कपाटे उचकटून १९ हजार रुपये रोख रक्कम सोन्या चांदीचे दागिने व एक सॅमसंग कंपनीचा मोबाईल ए५० असा सर्व मिळून १,७७,५०० रुपयांचा ऐवज जीवे मारण्याची धमकी देऊन चोरून नेला आहे.
याबाबत भिगवण पोलीस ठाण्याचे पोलीस उपनिरीक्षक कदम हे अधिक तपास करीत आहे.
