पुणे : सहकारनामा ऑनलाइन
– पुण्यात आत्तापर्यंत कोरोना व्हायरसचे 15 पॉझिटिव्ह रुग्ण आढळले असून आढळलेल्या 5 रुग्णांपैकी 4 रुग्ण हे विदेशात गेलेले नव्हते असे समोर आल्याने आरोग्याच्या दृष्टीने चिंतेची बाब बनली आहे. पुण्यात आतापर्यंत 294 रिपोर्टचे सॅम्पल घेण्यात आले होते. त्यापैकी 15 वगळता बाकी निगेटिव्ह आले असून अजून 21चे रिपोर्ट येणे बाकी आहे अशी माहिती पुणे विभागीय आयुक्त डॉ. दीपक म्हैसेकर यांनी पत्रकार परिषदेत दिली आहे. राज्यात कोरोना रुग्णांची संख्या 32 झाली असल्याची माहिती आरोग्य मंत्री राजेश टोपे यांनी माध्यमांशी बोलताना दिली आहे.
