दौंड : सहकारनामा ऑनलाइन.
कोरोना व्हायरसला प्रतिबंध करण्यासाठी जिल्हाधिकाऱ्यांनी आदेश दिले आहेत. दिलेल्या आदेशाचे पालन करणे बंधनकारक असल्याने दौंड तालुक्यातील अनेक गावांमध्ये या आदेशाचे काटेकोरपणे पालन करण्यात येत असून अनेक गावांमध्ये याचा परिणाम दिसून येत आहे. केडगाव, यवत, राहू, वरवंड, पाटस, दौंड शहर या तालुक्यातील मुख्य बाजारपेठांमध्ये त्यामुळे कमालीचा शुकशुकाट पाहायला मिळत आहे.
कोरोना व्हायरसचा प्रादुर्भाव रोखण्यासाठी शासन अंतरावरून सर्वोतोपरी प्रयत्न केले जात असले तरी नागरिकांनी स्वतःवर बंधने घालू घेणे आता गरजेचे बनले आहे. दौंड तालुक्यामध्ये काही किरकोळ अपवाद वगळता सर्व दुकाने, हॉटेल्स, ढाबे, हे बंद असून रोजच्या गर्दीच्या ठिकानांवरही आता शुकशुकाट पहायला मिळत आहे.
